'अपना टाईम आयेगा' पण...; मुंबई पोलिसांनी दाखवला आपला बॉलिवूड अंदाज

सदैव नागरिकांच्या सेवेसाठी तत्पर असलेले मुंबई पोलीस कोरोनापासूनही जनतेला संरक्षण देण्याचा प्रयत्न करत आहेत. नियमांचं उल्लंघन करणाऱ्याला दंड, दंडुक्याचा मार यापासून ते अगदी बेडुक उड्या, कोंबडा बनवणं अशा विचित्र शिक्षा करतानाही पाहिलं. पण आता सोशल मीडियावर मुंबई पोलिसांनी बॉलिवूड आणि फिल्मी स्टाइलमध्ये कोरोनापासून बचावाचा उपाय सांगितला आहे.

मुंबई पोलिसांनी वेगवेगळ्या सेलिब्रिटींचे फोटो, त्यांचं नाव,  त्यांचे फिल्ममधील फेमस डायलॉग वापरून कोरोना नियमांचं पालन करण्याबाबत जनजागृती केली आहे. 

ऐसे मास्क पहनना भी कोई मास्क पहनना है ‘लल्लू’? व्यवस्थितपणे मास्क न लावणे आपली 'परंपरा, प्रतिष्ठा, अनुशासन' नाही!, असं कॅप्शन या फोटोला देण्यात आलं आहे. (फोटो सौजन्य - इन्स्टाग्राम/मुंबई पोलीस )

एक छोटे से मास्क की किंमत तुम क्या जानो रमेश बाबू? सुरक्षेचं सर्वोत्तम साधन असतो, एक छोटासा मास्क, असं म्हणते पोलिसांनी मास्क आवर्जून लावण्याचं आवाहन केलं आहे.  (फोटो सौजन्य - इन्स्टाग्राम/मुंबई पोलीस )

चीटर, चीटर, चीटर, दॅट्स व्हॉट यु आर..., मेरे हाथ मे सॅनिटायझर आहे, राज! कारण 'सॅनिटाईज किया तो डरना क्या'., असं म्हणत मुंबई पोलिसांनी हात स्वच्छ ठेवण्याचा सल्ला दिला आहे.  (फोटो सौजन्य - इन्स्टाग्राम/मुंबई पोलीस )

आज 'ज्यादा सावधान' राहा! जेणेकरून दररोज 'शुभमंगल' राहिल. 'ड्रीम गर्ल' ला भेटायला जाणं तुम्हाला महागात पडू शकतं. त्यामुळे अशा 'बेवकूफिया' टाळा, असं म्हणते कपल्सनाही स्वतःला आवर घालण्याचा सल्ला पोलिसांनी दिला आहे.  (फोटो सौजन्य - इन्स्टाग्राम/मुंबई पोलीस )

पुष्पा व्ही हेट रूल ब्रेकर्स... स्टे होम रे..., असं म्हणत या सर्व नियमांचं काटेकोर पालन करा, घरीच राहा, असं आवाहन मुंबई पोलिसांनी केलं आहे.  (फोटो सौजन्य - इन्स्टाग्राम/मुंबई पोलीस )

चीते की चाल, बाझ की नजर और व्हायरस के स्प्रेड पर संदेह नही करते. कभी भी इन्फेक्ट कर सकता है. बाहेर जाण्याचा 'अपना टाईम आयेगा'- पण लॉकडाऊन संपल्यावर! असा विश्वासही मुंबई पोलिसांनी दिला आहे.  (फोटो सौजन्य - इन्स्टाग्राम/मुंबई पोलीस )