कंडोममध्ये 50 लाखांचं सोनं घालून प्रायव्हेट पार्टमध्ये लपवलं; मुंबई एअरपोर्टवर 3 महिलांचा प्रताप पाहून अधिकारीही हैराण!

मुंबई, 19 ऑगस्ट : देशात होणारी तस्करी रोखण्यासाठी एनसीबीने कंबर कसली आहे. मुंबई विमानतळावरुन तस्करीच्या नवनव्या कल्पनांचा अवलंब करून गुन्हेगारी केली जात आहे. नुकतीच एनसीबीने मुंबई विमानतळावरुन तीन महिलांना अटक केली आहे. या महिलांनी ज्या पद्धतीचा वापर केला होता त्यानंतर अधिकारीही हैराण झाले.

एनसीबीच्या टीमने मुंबई विमानतळावरुन तीन महिलांना अटक केली आहे. स्कॅनिंगदरम्यान महिलांच्या पोटातून तब्बल 50 लाखांहून अधिक किमतीचं (Smuggling of gold) सोनं सापडलं आहे.

या महिलांनी काँडममध्ये सोनं भरून प्रायव्हेट पार्टमध्ये सोनं लपवलं होतं. यातून तब्बल 1 किलो सोन ताब्यात घेण्यात आलं आहे.

एनसीबीच्या सुत्रांनी दिलेल्या माहितीनुसार, काही महिला पँटमध्ये ड्रग्ज लपवून आणत असल्याची टीम त्यांना मिळाली होती. मात्र स्कॅनिंगमध्ये ड्रग्ज ऐवजी सोनं सापडलं.

या महिला केनियातील नागरिक असून त्या केनियाहून कतारला गेल्या आणि त्यानंतर मुंबईला आल्या होत्या. एनसीबीने त्या तीन महिलांना कस्टम्सकडे सोपवलं आहे.