01 January 2021: तुमच्या जीवनावर थेट परिणाम करणाऱ्या या नियमांत बदल, आजपासून होणार लागू

आजपासून नवीन वर्षात अर्थात 1 जानेवारी 2021 पासून काही नियमात बदल होत आहे. यामध्ये पॉझिटिव्ह पे सिस्टम, छोट्या व्यावसायिकांसाठी GST फायलिंगमध्ये बदल यांसारख्या नियमांचा समावेश आहे. या बदलांचा तुमच्या आयुष्यावर थेट परिणाम होणार आहे. त्यामुळे हे बदल लागू होण्याआधी त्याबाबत सविस्तर जाणून घ्या

चेकसाठी पॉझिटिव्ह पे सिस्टिममध्ये बदल- रिझर्व्ह बँक ऑफ इंडियाने (Reserve Bank of India -RBI) 1 जानेवारी 2021 पासून चेकच्या माध्यमातून पॉझिटिव्ह पे सिस्टिम (Positive Pay system) सुरू करण्याचा निर्णय घेतला आहे. RBI ने हा निर्णय चेक पेमेंटमधील फ्रॉड रोखण्यासाठी घेतला आहे. हा नवीन नियम लागू झाल्यानंतर 50,000 आणि त्यापेक्षा अधिक रक्कम चेकच्या माध्यमातून पेमेंट करण्यासाठी पॉझिटिव्ह पे प्रणाली लागू होईल. यामध्ये चेक जारी करणाऱ्याच्या माहितीची दुसऱ्यांदा पुष्टी केली जाईल. चेक देणाऱ्याला चेक नंबर, चेक डेट, कुणाला पेमेंट केलं आहे त्याचा खाते क्रमांक, रक्कम इ. माहिती द्यावी लागेल

कॉन्टॅक्टलेस कार्ड्स वापरून होणाऱ्या ट्रान्झॅक्शनची मर्यादा वाढवली -रिझर्व्ह बँक ऑफ इंडियाने (Reserve Bank of India -RBI) कॉन्टॅक्टलेस कार्ड्स वापरून होणाऱ्या ट्रान्झॅक्शनची मर्यादा (Contactless card transaction limit) वाढवली आहे. ही मर्यादा 2,000 रुपयांवरून वाढवून ​​5,000 करण्यात आली आहे. हा नियम 1 जानेवारी 2021 पासून लागू केला होत आहे.

नवीन वर्षापासून कारच्या किंमती वाढतील- वाहन उत्पादक 2021 मध्ये नवीन किंमतीसह सुरुवात करण्याची तयारी करत आहेत. भारतातील सर्वात मोठी कार निर्माता कंपनी मारुती सुझुकी जानेवारीपासून त्याच्या मॉडेल्सच्या किंमतीत वाढ करणार आहे. मॉडेल्सप्रमाणे ही किंमत बदलेल. एमजी मोटरने जाहीर केले आहे की ते यावर्षी भारतात किंमती वाढवणार आहेत. कंपनीचे म्हणणं आहे की, इनपुट खर्च वाढल्यामुळे किंमती 3% वाढतील. त्याचबरोबर रेनॉल्ट इंडियानेही पुढील वर्षी या कारच्या किंमतीत वाढ करण्याची घोषणा केली आहे.

लँडलाइन वरुन मोबाइलवर कॉल करण्याआधी जोडावा लागेल शून्य- डिपार्टमेंट ऑफ टेलीकम्युनिकेशन्स (Department of Telecommunications - DoT) ने लँडलाइन वरुन मोबाइलवर कॉल करण्याआधी 0 (शून्य) जोडणे अनिवार्य केलं आहे. हा नियम 15 जानेवारी 2021 पासून लागू होईल. यासाठी टेलिकॉम डिपार्टमेंटने नवीन व्यवस्था लागू करण्यासाठी 1 जानेवारीपर्यंत सर्व कामं पूर्ण करण्यास सांगितले आ

वीज कनेक्शन- ऊर्जा मंत्रालया जानेवारी महिन्यात ग्राहक अधिकारासबंधीत नियम लागू करण्याची तयारी करत आहेत. यानंतर वीज वितरण कंपन्यांना निश्चित कालावधीमध्ये ग्राहकांना सेवा उपलब्ध करून घ्याव्या लागतील.

Mutual Fund चे नवीन नियम- मार्केट रेग्यूलेटर सेबीने (SEBI-Securities and Exchange Board of India) म्युच्यूअल फंड्सच्या मिडकॅप कॅटेगरीसाठी नवीन नियम जारी केले आहेत. नवीन नियमांनुसार, एका मल्टीकॅप फंडला शेअर बाजारात एकूण 75 टक्के रक्कम गुंतवावी लागेल. आतापर्यंत ही मर्यादा 65 टक्के होती. त्याचप्रमाणे या 75 टक्के रकमेपैकी 25 टक्के लार्जकॅप शेअर्समध्ये गुंतवावे लागतील. तर 25 टक्के मिडकॅप आणि 25 टक्के स्मॉलकॅपमध्ये गुंतवावे लागतील. या निर्णयामुळे शेअर बाजारातील गुंतवणुकदारांना मोठा फायदा होईल.

तिमाही आधारावर GST रिटर्न फाइल करण्याची सुविधा- 1 जानेवारी 2021 पासून जवळपास 94 लाख छोट्या व्यापाऱ्यांना (small businesses) तिमाही GST रिटर्न फाइल करण्याची सुविधा मिळेल. अर्थ मंत्रालयाच्या एका अधिकाऱ्याने दिलेल्या माहितीनुसार, ज्या व्यावसायिंकाचा टर्नओव्हर 5 कोटी रुपयांपर्यंत आहे, त्यांना दर महिन्याला रिटर्न फाइल करण्याची आवश्यकता नाही. वर्षातून 4 वेळा त्यांना GST रिटर्न फाइल करावा लागेल.

सरल जीवन बीमा पॉलिसी होणार लॉन्च -नवीन वर्षात टर्म लाइफ इन्शूरन्स पॉलिसी खरेदी करणे अधिक सोपे होणार आहे. विमा नियामक संस्था IRDAI ने सर्व विमा कंपन्यांना 1 जानेवारीपासून 'सरल जीवन विमा पॉलिसी' सुरू करण्यास सांगितले आहे. त्याअंतर्गत, नवीन वर्षापासून ग्राहकांना कमी प्रीमियमवर मुदत योजना खरेदी करण्याची संधी मिळेल. ही एक स्टँडर्ड टर्म इन्शूरन्स पॉलिसी असेल. यामुळे ग्राहकांना कंपन्यांकडून देण्यात आलेल्या माहितीच्या आधारे निर्णय घेण्यात मदत होईल.

निवडक फोन्समध्ये बंद होईल WhatsApp- 1 जानेवारीपासून काही प्लॅटफॉर्मसवर WhatsApp सपोर्ट करणं बंद होणार आहे. WhatsApp पेज ने अशी माहिती दिली आहे की, व्हॉट्सॲपने (Whatsapp) जुन्या अँड्रॉइड स्मार्टफोन्स आणि आयओएसचा सपोर्ट बंद करण्यात येणार असल्याचे जाहीर केलं आहे. यामुळे जुन्या ऑपरेटिंग सिस्टीम असणाऱ्या अँड्रॉइड स्मार्टफोन आणि आयओएस फोन्समध्ये आता व्हॉट्सॲप (Whatsapp) सुविधा मिळणार नसल्याचं निश्चित झालं आहे. आता ios 9 आणि अँड्रॉइड 4.0.3 या ऑपरेटिंग सिस्टीम (Operating System) पासून सुरू होणाऱ्या OS वरच व्हॉट्सॲप (Whatsapp) चालू शकणार