नोकरी सोडून शेती करतोय 'हा' तरुण, वर्ध्यात स्ट्रॉबेरीच्या लागवडीतून 4 लाखांचे उत्पन्न!

वृषभ रमेशराव फरकुंडे, वर्धा प्रतिनिधी: स्ट्रॉबेरी ही महाबळेश्वरला मोठ्या प्रमाणात मिळते. तिकडेच ती पिकवली जाते.

मात्र वर्ध्यातील एका शेतकऱ्यांने स्ट्रॉबेरीची लागवड करण्याचा धाडसी प्रयोग केल्याचे पाहायला मिळतेय.

नोकरी सोडून महेश पाटील या तरुमाने शेतीचा मार्ग निवडला.

महेश यांनी त्यांचा हा निर्णय यशस्वी देखील करुन दाखवला आहे. वर्ध्यातील कात्री नावाच्या छोट्याशा गावात त्यांनी स्ट्रॉबेरीची लागवड केली.

सेंद्रीय पद्धतीने त्यांनी ही लागवड करत स्ट्रॉबेरीमध्ये मोठे उत्पन्न मिळवले आहे.

केवळ पाऊन एकरामध्ये महेश यांनी स्ट्रॉबेरीची लागवड केली.

शेतीमध्ये महेश यांना दोन लाख खर्च आला, यातून अंदाजे चार लाख रुपये उत्पन्न होईल असा अंदाज आहे.