टॉम क्रूजपेक्षाही 'पठाण'चा किंग खान श्रीमंत, पहिल्या नंबरवर कोण?

जेरी सेनफेल्ड: हा अमेरिकन स्टँड-अप कॉमेडियन इतर कोणत्याही अभिनेत्यापेक्षा जास्त कमाई करतो. अमेरिकन कॉमेडी शो सेनफेल्डच्या या अभिनेत्याकडे 1 अब्ज डॉलर म्हणजे सुमारे 8,100 कोटी रुपये आहेत. कमाईच्या बाबतीत ते जगात अव्वल स्थानी आहेत.

टायलर पेरी : त्यांची एकूण संपत्तीही सुमारे एक अब्ज डॉलर आहे, जगातील कमाईच्या बाबतीत दुसऱ्या क्रमांकाचा अभिनेता आहे. 51 वर्षीय पेरी यांनी आफ्रिकन अमेरिकन लोकांमध्ये एक वेगळी ओळख निर्माण केली आहे.

हॉलिवूडच्या 'द रॉक' जॉनसनची संपत्ती सुमारे 80 कोटी डॉलर म्हणजे 6500 कोटी रुपये असून जगातील सर्वात मोठा व्यावसायिक कुस्तीपटू म्हणून त्याची गणना होते. डब्ल्यूडब्ल्यूईमधून हॉलिवूडमध्ये येऊन त्याने वेगळी ओळख निर्माण केली असून आज तो सर्वाधिक मानधन घेणाऱ्या अभिनेत्यांपैकी एक आहे.

शहारुख खानचा या यादीमध्ये चौथा क्रमांक लागतो. नुकताच शहारुखचा पठाणचा ट्रेलर आला आहे. हा ट्रेलर चांगलाच चर्चेत आहे. त्याचे नेटवर्थ 77 कोटी डॉलर आहे. भारतीय रुपयात विचार करायचा झाला तर शाहरुख खानचं नेटवर्थ 6200 कोटी रुपये आहे. त्याने 80 हून अधिक सिनेमा केले आहेत.

मिशन इम्पॉसिबलसारख्या अॅक्शन सीरिजच्या माध्यमातून भारतीय प्रेक्षकांवर छाप पाडणारा हॉलिवूड अभिनेता टॉम क्रूझ कमाईच्या बाबतीत 5 व्या स्थानावर आहे. त्यांची एकूण संपत्ती 62 मिलियन डॉलर म्हणजेच जवळपास 5 हजार कोटी रुपये असल्याचं सांगण्यात येत आहे. टॉमला आतापर्यंत ३ गोल्डन ग्लोब पुरस्कार मिळाले आहेत.

ऑस्कर ते आसियान पुरस्कार मिळवणाऱ्या जॅकी चेनची कमाई यावेळी कमी झाली आहे. ते सहाव्या स्थानावर आहेत. एक्शन हिरो म्हणून त्यांची जगभरात एक वेगळी ओळख आहे. एकूण नेटवर्थ 52 कोटी डॉलर्स म्हणजेच 4200 कोटी रुपये आहे.