दीड लाखांपर्यंत पगार? कोरोना संकटात ही कंपनी देणार 20000 महिलांना नोकरी

कोरोनाच्या संकटात पदवी आणि पदव्युत्तर महिलांसाठी चांगली बातमी आहे. व्हाइटहॅट जेआरने सांगितले की ते आपल्या प्लॅटफॉर्मच्या माध्यमातून महिला शिक्षिकांची संख्या वाढवित आहेत.

ही कंपनी दररोज 220 शिक्षिकांना आपल्या प्लॅटफॉर्मशी जोडून घेत आहे. आतापर्यंत त्यांच्यासोबत 7000 हून अधिक शिक्षिका जोडल्या गेल्या आहेत.

वर्षाच्या शेवटपर्यंत 20000 शिक्षिकांना आपल्यासह जोडून घेण्याची या कंपनीची योजना आहे. म्हणजे यंदा आणखी 13000 महिला शिक्षिकांची भर्ती केली जाणार आहे.

व्हाइटहॅट जेआरचं म्हणणं आहे की भारत, अमेरिका, कॅनडा, ब्रिटेन, ऑस्ट्रेलिया आणि न्यूजीलँडमध्ये त्यांच्या विद्यार्थ्यांची संख्या दिवसेंदिवस वाढत आहे. त्यामुळे त्यांच्या प्लॅटफॉर्मला जास्त शिक्षिकांची गरज आहे.

कंपनीने सांगितले की कोरोनाच्या संकटामुळे सध्या डिजिटल एज्युकेशन आणि शैक्षणिक पद्धतीत मोठा बदल झाला आहे.