सरकारने बदलले National Pension System चे नियम, कोट्यवधी लोकांना होणार फायदा

एनपीएस आज बचतीसाठीचा एक महत्त्वाचा पर्याय आहे. 1 मे 2009 पासून खासगी क्षेत्रातील किंवा असंघटीत क्षेत्रात काम करणाऱ्या कर्मचार्‍यांसाठी सुद्धा ही सेवा सुरू केली गेली. या योजनेत 2 कोटी ग्राहक जोडले गेले आहेत. मुळात ही एक पेन्शन बचत योजना आहे जी भविष्यात आर्थिक सुरक्षा देते. प्रश्न असा उद्भवतो की एनपीएसद्वारे आपण 60 हजार रुपयांच्या मासिक पेन्शनची योजना कशी बनवू शकता. यासंदर्भात एका मोठ्या नियमात सरकारने बदल केले आहेत.

एनपीएसचा नियम बदलला आहे - नॅशनल पेन्शन सिस्टमचे जुने सब्सक्रायबर्स, ज्यांनी वेळेपूर्वी ही योजना सोडली आहे, ते पुन्हा यामध्ये सामील होऊ शकतात. पीएफआरडीएने याकरता परवानगी दिली आहे. सध्याच्या नियमांनुसार, ग्राहक वयाची 60 वर्षे पूर्ण होण्यापूर्वीच यातून बाहेर पडू शकतात. जेव्हा एनपीएसमधील गुंतवणूक मॅच्यूअर होते, तेव्हा गुंतवणूकदारास नियमित पेन्शनच्या स्वरूपात 80% रक्कम मिळते, तर उर्वरित 20% रक्कम एकरकमी काढून घेता येते. आता ज्यांनी 20 टक्के पैसे काढले आहेत आणि त्यांना पुन्हा एनपीएसमध्ये जोडले जायचे असेल तर त्यांना ही रक्कम जमा करावी लागेल. या व्यतिरिक्त ते नियमित पेन्शन घेऊन विड्रॉल पेन्शन प्रक्रिया पूर्ण करू शकतात. यानंतर, ते नवीन एनपीएस खाते उघडू शकतात.

एनपीएसच्या प्रीमॅच्यूअर एक्झिटच्या नियमांमध्ये बदल- पीएफआरडीएने या ग्राहकांना नॅशनल पेन्शन सिस्टमचा पर्याय दिला. नॅशनल पेन्शन सिस्टम आपल्या ग्राहकांना निवृत्तीसाठी कमी किंमतीवरील पेन्शन फंडच्या माध्यमातून एक संधी देते. एनपीएसच्या फायद्यांमध्ये पोर्टेबिलिटी, लवचिकता, योगदानाचे वाटप करण्याचे विविध सोप्या मार्ग, पेन्शन फंडाचा पर्याय, योजनेचे प्राधान्य, अनन्य कर लाभ इ. समाविष्ट आहे.

PRAN म्हणजे काय? आता पुढे काय होणार? - एनपीएस अंतर्गत सब्सक्रायबर्सना परमनेंट रिटायरमेंट अकाऊंट नंबर (PRAN) दिला जातो. जो यूनिक असतो. सब्सक्रायबर्सकडे एकावेळी एक सक्रीय PRAN असू शकतो. त्यामुळे ते सध्याचे एनपीएस खाते बंद केल्यानंतरच नवीन खाते उघडू शकतात.

प्रीमॅच्यूअर एक्झिटच्या परिस्थितीत, PRAN मध्ये जमा असणाऱ्या फंडपैकी 20 टक्के पर्यंतची रक्कम एकरकमी काढता येते. उर्वरित 80 टक्के किंवा त्यापेक्षा जास्त रक्कम PFRDA द्वारे अॅन्युइटी सर्व्हिस प्रोव्हाईडर (एएसपी) कडून Annuity योजना खरेदी करण्यासाठी वापरतील. सध्या पीएफआरडीएकडे अशा ग्राहकांकडून बर्‍याच विनंत्या येत आहेत ज्यांनी आपली एकरकमी रक्कम काढली आहे परंतु आतापर्यंत Annuity घेतली नाही आणि त्या ग्राहकांनी एनपीएस खाते पुढे चालू ठेवण्याचा निर्णय घेतला आहे.

यासाठी काय करावे - जर तुम्ही एनपीएसमध्ये प्रवेश करण्यास पात्र असाल तर नवीन PRAN सह नवीन एनपीएस खाते उघडा. एनपीएस त्याच PRAN सुरू ठेवण्यासाठी प्रथम काढलेली रक्कम (20 टक्क्यांपर्यंत) आपल्या एनपीएस खात्यात (PRAN) जमा करा. सध्याचे PRAN सुरू ठेवण्यासाठी, पुन्हा डिपॉझिट करण्याचा पर्याय एकदा मिळू शकेल आणि एकरकमी रक्कम जमा करावी लागेल.

एनपीएसमध्ये कोण सामील होऊ शकते - 18 ते 60 वयोगटातील कोणताही पगारदार व्यक्ती एनपीएसमध्ये सामील होऊ शकेल. एनपीएसमध्ये दोन प्रकारची खाती आहेत: Tier-I आणि Tier-II. टियर -I एक सेवानिवृत्ती खाते आहे, जे प्रत्येक सरकारी कर्मचार्‍यास उघडणे अनिवार्य आहे. तर Tier-II एक स्वयंसेवी खाते आहे, ज्यामध्ये कोणताही पगारदार व्यक्ती त्याच्या वतीने गुंतवणूक सुरू करू शकते आणि कोणत्याही वेळी पैसे काढू शकते.

कशी मिळेल महिन्याला 60 हजार रुपये पेन्शन? - जर आपण 25 वर्षांच्या वयामध्ये या योजनेत सामील होत असाल तर 60 वर्षे वयाच्या म्हणजेच 35 वर्षापर्यंत तुम्हाला योजने अंतर्गत दरमहा 5000 रुपये जमा करावे लागतील. तुमची एकूण गुंतवणूक 21 लाख रुपये असेल. जर एनपीएसमधील एकूण गुंतवणूकीचा अंदाजित परतावा 8 टक्के असेल तर एकूण कॉर्पस 1.15 कोटी रुपये असेल. यापैकी 80 टक्के रकमेसह जर तुम्ही Annuity खरेदी केली तर ते मूल्य जवळपास 93 लाख रुपये असेल. एकरकमी मूल्यही 23 लाखांच्या जवळपास असेल. Annuity रेट 8 टक्के असल्यास वयाच्या 60 व्या वर्षानंतर नंतर दरमहा 61 हजार रुपये पेन्शन मिळेल. तसेच 23 लाख रुपयांचा वेगळा निधीही मिळेल.