LIC ची विमाधारकांना खास ऑफर, अशी सुरु करता येणार बंद पडलेली पॉलिसी !

विमाधारकासाठी वेगवेगळ्या योजनांसाठी वेगवेगळे प्रीमियम शुल्क लागू होतात. जे संबंधित योजनेअंतर्गत दिलेल्या पेमेंट पर्यायांनुसार ग्राहक भरू शकतात. मात्र काहीवेळा, दिलेल्या मुदतीत प्रीमियम न भरल्यामुळे पॉलिसी रद्द होऊ शकते.

पॉलिसीधारक व्याजासह प्रीमियम भरून पॉलिसी पुन्हा सुरु करू शकतो. LIC ने ग्राहकांसाठी 2023 साठी लॅप्स पॉलिसी रिवाइवहल योजना जाहीर केली आहे.

विलंब शुल्कावर 30% पर्यंत सूट : या LIC लॅप्स पॉलिसी रिवाइवल स्किममध्ये, विमाधारक पॉलिसीधारकांना विलंब शुल्कावर 30% पर्यंत सूट दिली जातेय. सवलतीची टक्केवारी पॉलिसीच्या प्रकारावर आणि प्रत्येक ग्राहकाच्या LIC प्रीमियम पेमेंट शुल्कावरील मर्यादा यावर अवलंबून आहे. ही योजना जानेवारी 2021 मध्ये सुरू करण्यात आली होती.

एलआयसीने ट्विटमध्ये म्हटलेय की, तुमची लॅप्स झालेली LIC पॉलिसी सवलतीच्या विलंब शुल्कासह पुन्हा सुरु केली जाऊ शकते. एलआयसी विमाधारकांना ही संधी देत ​​आहे. एलआयसीने यासाठी 1 फेब्रुवारी 2023 ते 24 मार्च 2023 असा कालावधी दिला आहे.

एलआयसी 1 लाख रुपयांपर्यंतच्या एकूण प्रीमियमवर विलंब शुल्कात 25% सवलत देतेय. ज्यामध्ये सवलतीची कमाल मर्यादा 2500 रुपये आहे, तर रु. 100001 ते रु. 300000 पर्यंत मिळण्यायोग्य एकूण प्रीमियमवर 25% सवलत दिली जातेय. एलआयसीला 3 लाखांहून अधिकच्या प्राप्य प्रीमियमवर 30 टक्के सूट देऊन 3500 रुपयांपर्यंत सूट दिली जात आहे.