बंपर व्याज कमावण्याची संधी! आता FD मिळेल जवळपास 9% व्याजदर

Jana स्मॉल फायनान्स बँकेने (SFB) 2 कोटी रुपयांपेक्षा कमी फिक्स डिपॉझिटवरील व्याजदरात वाढ केली आहे. बँकेच्या अधिकृत वेबसाइटनुसार, नवीन रेट 1 फेब्रुवारी 2023 पासून लागू होतील.

बँक आता 7 दिवस ते 10 वर्षांच्या ठेवींवर सर्वसामान्यांसाठी 3.75% ते 6.00% आणि ज्येष्ठ नागरिकांसाठी 4.45% ते 6.70% पर्यंत व्याज देत आहे. बँक आता 2 वर्षे ते 3 वर्षांच्या ठेवींवर सामान्य नागरिकांना 8.10% आणि ज्येष्ठ नागरिकांना 8.80% रिटर्न देईल.

बँक आता पुढील 7-14 दिवसांत मॅच्यूअर होणाऱ्या ठेवींवर 3.75% आणि पुढील 15-60 दिवसांत मॅच्यूअर होणाऱ्या ठेवींवर 4.25% व्याजदर देत आहे.

सध्या बँक 61 ते 90 दिवसांच्या ठेवींवर 5.25% आणि 91 ते 180 दिवसांच्या ठेवींवर 5.50% व्याजदर देतेय. 181-364 दिवस आणि 1 वर्ष मुदतीच्या ठेवींवर आता अनुक्रमे 7.00% आणि 7.25% दराने व्याज मिळेल.

बँक आता 1 वर्ष ते 2 वर्षांच्या फिक्स डिपॉझिटवर 7.50% व्याज दर देईल. तर 2 वर्ष ते 3 वर्षांच्या फिक्स डिपॉझिटवर जास्तीत जास्त 8.10% व्याजदर दिला जाईल. आता 3 ते 5 वर्षांच्या कालावधीसाठी ठेवींवर 7.35% व्याज दराची गॅरंटी दिली जातेय. तर बँकेला 5 वर्षे (1825 दिवस) कालावधीच्या ठेवींवर 7.25% व्याज मिळेल. 5-10 वर्षात मॅच्यूअर होणाऱ्या ठेवींवरील व्याजदर 6.00% पर्यंत वाढला आहे.