Investment Tips: 21व्या वर्षापासून सुरु करा अशी गुंतवणूक; 30व्या वर्षानंतर आरामात जीवन जगाल

गुंतवणूक भविष्य सुरक्षित करण्यासाठी महत्त्वाची आहे. छोटी गुंतवणूक भविष्यातील गरज पूर्ण करण्यासाठी फायदेशीर ठरते. जर एखाद्या व्यक्तीने त्याच्या करिअरच्या सुरुवातीपासूनच नियमितपणे गुंतवणूक करण्यास सुरुवात केली, तर तो लवकरच आर्थिकदृष्ट्या सक्षम होऊ शकतो. 20-21 वर्षांच्या तरुणांनी काही गोष्टींचे पालन केले तर ते 30 वर्षांपर्यंत आर्थिकदृष्ट्या चांगल्या स्थितीत पोहचून आपली स्वप्नही पूर्ण करु शकतील.

कमर्शियल रिअल इस्टेट- देविका ग्रुपचे एमडी अंकित अग्रवाल म्हणतात की, 20-29 वयोगटातील लोकांसाठी व्यावसायिक रिअल इस्टेट ही चांगली गुंतवणूक असू शकते ज्यांना वयाच्या 30 नंतर हमखास रिटर्न हवे आहेत. ऑफिस, रिटेल आणि वेअरहाऊस इत्यादी व्यावसायिक रिअल इस्टेट हे सुरक्षित गुंतवणुकीचे पर्याय आहेत. अंकित अग्रवाल यांच्या मते, ग्रेड-ए ऑफिस स्पेस सरासरी 6-7 टक्के आणि रिटेल युनिट्स 8-9 टक्के परतावा देऊ शकतात.

SIP तुमची गुंतवणूक कमी कालावधीत दुप्पट किंवा तिप्पट होण्यासाठी SIP योजना हा एक अतिशय प्रभावी गुंतवणूक पर्याय आहे. एसएजी इन्फोटेकचे एमडी अमित गुप्ता सांगतात की, अशी गुंतवणूक वयाच्या 25व्या वर्षी सुरू करावी.

PPF- गुंतवणुकीचा आणखी एक चांगला पर्याय म्हणजे सार्वजनिक भविष्य निर्वाह निधी (PPF). हे तुम्हाला निश्चित परतावा देते. तसेच येथे तुम्हाला कर लाभ मिळतात. पीपीएफमध्ये मॅच्युरिटीवर तुम्हाला जी काही रक्कम मिळेल ती पूर्णपणे करमुक्त असेल.

क्रिप्टो अॅसेट्स- तुम्ही क्रिप्टोमध्ये देखील गुंतवणूक करू शकता. सध्या ते डाउनट्रेंडवर ट्रेंड करत आहेत. तुम्ही त्यात गुंतवणूक करू शकता. क्रिप्टोकरन्सीमधील गुंतवणूक भविष्यासाठी चांगली ठरु शकते.

शेअर बाजार- शेअर बाजारातून तुम्हाला प्रचंड परतावाही मिळू शकतो. त्यामुळे शेअर बाजाराला नवीन गुंतवणूकदारांची पहिली पसंती असते. इथून अनेक लोक करोडपती आणि अब्जाधीश झाले आहेत. GCLचे CEO रवी सिंघल म्हणतात की जर आपण निफ्टी 50 वर नजर टाकली तर त्याचा गेल्या 20 वर्षांचा CAGR 14 टक्के आहे.