LIC चा नवा प्लॅन - मुलीसाठी रोज जमवा 121 रुपये, कन्यादानाला मिळतील 27 लाख रुपये

भारतातली लग्न नेहमीच वाजतगाजत होतात. आई-वडील मुलामुलींच्या लग्नासाठी पैसे जमवतात. विशेष म्हणजे मुलीचं लग्न असेल तर जास्त पैसे साठवले जातात. पण आता काळजी करू नका. LICनं एक खास योजना आणलीय. मुलीच्या लग्नासाठी एलआयसी देणार 27 लाख रुपये.

मुलीचा जन्म झाल्या झाल्याच आईवडील तिच्यासाठी पाॅलिसी घेतात. एलआयसीनं मुलींच्या उज्ज्वल भविष्यासाठी एक योजना आणलीय. ही आहे कन्यादान योजना.

या पाॅलिसीत 25 वर्षात तुम्हाला 27 लाख रुपये मिळतील. शिवाय 1 लाखही मिळू शकतात.

पाॅलिसी घेतल्यानंतर मृत्यू झाला तर कुटुंबाला प्रीमियर भरावा लागणार नाही. कुटुंबाला वर्षाला 1 लाख रुपये मिळतील.

शिवाय 25 वर्ष पूर्ण झाली की नाॅमिनीला 27 लाख रुपये वेगळे मिळतीलच.

या योजनेत रोज 121 रुपये हिशोबानं जवळजवळ महिन्याला 3600 रुपये प्रीमियर प्लॅन मिळू शकतो. कोणाला याहून कमी प्रीमियर किंवा जास्त प्रीमियर द्यायचा असेल तरी हा प्लॅन घेता येईल.

एकूण काय 25 वर्षांसाठी ही पाॅलिसी घेता येईल. 22 वर्षांपर्यंत प्रीमियर भरायचा. रोज 121 रुपये म्हणजे महिन्याला 3600 रुपये भरायचे. दुर्दैवानं विमाधारकाचा मृत्यू झालाच तर कुटुंबाला प्रीमियर भरावा लागणार नाही.