Exclusive: Indian Railways: ट्रेनमधून श्वानांना घेऊन जाण्याचे बदलले नियम

पाळीव प्राण्यांना ट्रेनमधून घेऊन जाण्यासंदर्भात भारतीय रेल्वेनं काही नियमात बदल केला आहे. ट्रेनमध्ये प्राण्यांना घेऊन प्रवास केल्याच्या अनेक तक्रारी सध्या रेल्वेकडे येत असल्याने त्यांच्यासंदर्भातील नियम अधिक कठोर केले आहेत.

नव्या नियमानुसार प्राण्यांना केवळ फर्स्ट क्लासमधूनच प्रवास करता येणार आहे. लोकल ट्रेननं प्रवास करण्यासाठी अजूनही बंदी आहे. जर असे आढळल्यास किंवा नियमांचं उल्लंघन केल्यास मोठी कारवाई होऊ शकते.

फर्स्ट क्लासमध्ये चार बर्थ बुक करणं आवश्यक असणार आहे. दुसऱ्या क्लासमधून ट्रॅव्हल करणं महागात पडू शकतं. रेल्वे सुटण्याआधी त्याला तीन तास आधी कार्यालयात आणावं लागेल.

श्वानाची जात, लिंग, लसीकरण दिलेल्याचं प्रमाणपत्र, रंगाचा उल्लेख फॉर्मवर करणं आवश्यक आहे. यासोबत कुत्र्याच्या खाण्यापिण्याची व्यवस्था प्रवाशांनाच करावी लागेल. फक्त आरक्षित डब्यातूनच श्वानाला घेऊन प्रवास करता येणार आहे.

प्राण्यांसाठी तिकीट वेगळं असेल त्यासाठी आवश्यक त्या अटींची पूर्तता करून त्याचं वेगळं तिकीट सोबत ठेवणं आवश्यक आहे. श्वानाची जबाबदारी ही संपूर्णपणे प्रवाशाची असेल. त्याला रेल्वे जबाबदार असणार नाही.

रेल्वेने जनावरांची कायदेशीर डिलिव्हरी केल्यानंतर, मालवाहू व्यक्तीला कोणत्याही कारणास्तव स्टेशनवर पोहोचण्यास उशीर होतो, परंतु रेल्वे त्याची वाट पाहत नाही. तथापि, पाळीव प्राण्यांच्या बाबतीत रेल्वेचे कायदे काहीसे सोपे आहेत.