RBI ने पुन्हा रेपो रेट वाढवला तर होम, कार लोनचा EMI किती वाढेल?

महागाईवर नियंत्रण मिळवण्यासाठी RBI पुन्हा व्याजदरात वाढ करण्याच्या तयारीत आहे. आता 7 डिसेंबर रोजी याबाबत महत्त्वाचा निर्णय होण्याची शक्यता आहे.

'रेपो रेटमध्ये 0.25 ते 0.35 टक्क्यांपेक्षा अधिक वाढ करू नये,' असे 'असोचेम'ने आरबीआयला लिहिलेल्या पत्रात म्हटले आहे. आता जेव्हा मागच्या वेळी व्याजदर वाढवलं तेव्हा नेमका कसा EMI मध्ये बदल झाला होता. त्याचं सोप्या भाषेत गणित समजून घेऊया.

एका व्यक्तीने 7.55% दराने 20 वर्षांसाठी 30 लाख रुपयांचे गृहकर्ज घेतले. त्याच्या कर्जाचा EMI 24,260 रुपये आहे. 20 वर्षात त्याला या दराने 28,22,304 रुपये व्याज द्यावे लागेल. त्याला 30 लाखांऐवजी एकूण 58,22,304 रुपये द्यावे लागतील.

कर्ज घेतल्यानंतर एका महिन्यात, RBI ने रेपो रेट 0.50% ने वाढवला. तर त्यामुळे बँका देखील व्याजदर 0.50% वाढवतात.

आता जेव्हा तुमचा मित्र किंवा मैत्रिण किंवा नातेवाईक त्याच बँकेत कर्ज घेण्यासाठी जातील तेव्हा बँक त्यांना 7.55% ऐवजी 8.05% व्याजदर सांगेल. बदलेल्या व्याजदराने त्यांना कर्ज घ्यावं लागेल.

तुमच्यासारखं त्यांनीही 30 लाख रुपये फक्त 20 वर्षांसाठी कर्ज घेतलं. पण त्याचा EMI 25,187 रुपये असेल. म्हणजेच तुमच्या EMI पेक्षा 927 रुपये जास्त. यामुळे तुमच्या मित्राला 20 वर्षात एकूण 60,44,793 रुपये द्यावे लागतील. तुमच्या रकमेपेक्षा ही रक्कम 2,22,489 जास्त असणार आहे.