UPI वरून बँक खात्यात चुटकीसरशी कसे ट्रान्सफर करायचे पैसे? वापरा ही सोपी ट्रिक

मुंबई: कोरोनानंतर बऱ्याच ठिकाणी ऑनलाइन पेमेंट करण्याचं प्रमाण वाढलं आहे. पण अजूनही अनेक ठिकाणी गुगल पे किंवा फोन पे वापरला जात नाही. अगदी सहज सांगितलं जातं की ऑनलाईन NEFT किंवा बँक ट्रान्सफर करा. आता काही सेकंदात खरं तर हे काम होतं पण ते नेमकं करायचं कसं याची ट्रिक आज आम्ही तुम्हाला सांगणार आहोत.

तुमच्याकडे जर गुगल पे असेल तर तुम्ही त्यावरून NEFT किंवा बँक ट्रान्सफर करू शकता. तुम्हाला गुगल पेवर लॉगइन करायचं आहे. त्यानंतर तुमचा पासवर्ड टाकायचा.

तिथे तुम्हाला बँक ट्रान्सफर असा एक पर्याय मिळतो. त्यावर क्लीक केलं की खात्याचा नंबर, आयएफएससी कोड आणि रिसीटवरचं नाव अशा सगळ्या गोष्टी अपलोड करायच्या आणि कन्फर्म पर्याय निवडायचा. तुम्हाला खाली बँक खात्यावर तुम्ही पूर्वी पैसे ट्रान्सफर केले असतील तर त्याची हिस्ट्री देखील दिसेल.

फोनमधून जर तुम्हाला बँक ट्रान्सफर करायचं असेल तर तुम्ही आधी लॉगइन करा. तिथे दोन पर्याय येतात एक बँक किंवा UPI आयडी आणि दुसरा आपल्याच दुसऱ्या खात्यावर पैसे पाठवण्यासाठीचा पर्याय असतो.

तुम्हाला To Bank हा पर्याय निवडायचा आहे. तिथे उजव्या कोपऱ्यात तुम्हाला खाली एक प्लसचं चिन्हं दिसेल तिथे क्लीक करायचं आहे. त्यानंतर बँक निवडायची आहे. खात्याचा नंबर, आयएफएससी कोड आणि इतर तपशील निक नेम इत्यादी अपलोड करायचे आहे. हा डेटा सेव्ह झाल्यानंतर तुम्ही बँक खात्यावर पैसे ट्रान्सफर करू शकता.

बऱ्याचदा काही बँकांना 10 किंवा 5 हजार रुपये ट्रान्सफर करण्याचं UPI वर लिमिट असतं. तर काहींना 1 लाख रुपयांपर्यंत पैसे एकावेळी UPI वरून बँकेत किंवा UPI ते UPI आयडीवर पाठवता येतात.