Business Idea : रिस्क आणि भांडवल कमी पण पैसा अफाट; डिसेंबर महिन्यात करा 'या' व्यवसायाचा श्रीगणेशा

ख्रिसमस आणि न्यू ईयरच्या पार्श्वभूमीवर तुम्ही चॉकलेटचा व्यवसाय सुरू करून कमी वेळात तुमची कमाई होऊ शकते . चॉकलेट ही अशी गोष्ट आहे ज्याची कोणत्याही शुभ प्रसंगी आणि वर्षाचे बारा महिने गरज भासते एवढंच नाही तर गिफ्ट म्हणून देखील अनेक जण चॉकलेटच्या बॉक्सलाच पसंती देतात.

तुमच्याकडे वेगवेगळे फ्लॅवर बनवण्याची कला असेल तर तुम्ही तसे बनवून विकू शकता. तुम्हाला चॉकलेटचे रेडिमेड मॉल्ड देखील बाजारात उपलब्ध आहेत.

डार्क चॉकलेट कंपाउंड, चॉकलेट मोल्ड, स्पॅट्युला, इसेन्स, चॉकलेट रॅपिंगसाठी पेपर, पॅकेजिंगसाठी आवश्यक सामग्री, बॉक्स किंवा डबे, यासोबत ड्रायफ्रूट किंवा फ्लेवर्स जे तुम्हाला या चॉकलेटसाठी वापरायचे आहेत. तुम्हाला बाजारात देखील या सगळ्या गोष्टी उपलब्ध होतील. तुम्ही ऑनलाइन देखील या गोष्टी मागवू शकता.

तुम्ही सुरुवातील बजेट कमी असेल तर गॅसवरही चॉकलेट वितळवू शकता. तुमच्याकडे ओव्हन असेल तर त्यामध्ये देखील वितळवता येतं. त्यानंतर आवश्यक त्या गोष्टी एकत्र करा त्यानंतर मोल्डमध्ये चमच्याने सारण भरा आणि फ्रीजमध्ये ठेवून द्या.

तुम्हाला उत्तम पॅकेजिंग करून त्याचं मार्केटिंग करावं लागेल. टेस्टसोबत या गोष्टी देखील महत्त्वाच्या आहेत. तुम्हाला किंमतीचा एक कॅटलॉग देखील तयार करावा लागणार आहे. ज्यामध्ये फ्लेवर किंवा नुसतं प्लेन चॉकलेट किती रुपयांना असेल याची माहिती देता येईल.

तुम्ही एकट्याने देखील हा व्यवसाय सुरू करू शकता. तुम्ही व्यवसायाची सुरुवात 10 ते 20 हजार रुपयांपासून करू शकता. जर चॉकलेटसाठी वेगळ्या मशीन वापरल्या तर 1 लाख रुपयांपर्यंत खर्च येईल. यामध्ये कमी रिस्क आहे.

या व्यवसायासाठी तुम्ही जर होलसेल मार्केटमधून सामान घेतलं तर अजून स्वस्त किंमतीमध्ये उपलब्ध होईल. त्यामुळे कमी बजेटमध्ये तुम्ही जास्त चांगल्या पद्धतीने चॉकले फ्लेवर तयार करून बाजारात विकू शकता.