क्रेडिट कार्डचं बिल भरायला पैसे नाहीत? जाणून घ्या EMI मध्ये बिल भरायची सोपी ट्रिक

देशभरात कोट्यवधी लोक हे क्रेडिट कार्डचा वापर करतात. याचा वापर समजूतदारपणे केला तर फायदा होतो. मात्र गैरजबाबदारपणे क्रेडिट कार्डचा वापर केल्यास तुम्ही कर्जाच्या जाळ्यात अडकू शकता. अनेकदा पैशांची चणचण असल्यामुळे क्रेडिट कार्डचं बिल भरायला पैसेच उरत नाही. मग योग्य वेळी बिल न भसल्यास दंडही भरावा लागतो.

एक्सपर्ट सल्ला देतात की, क्रेडिट कार्डचे सर्व ड्यूज ट्यू डेटपूर्वीच फेटून टाकावे. कारण जास्तीत जास्त क्रेडिट कार्डची व्याजदरे वार्षिक 36 टक्के पर्यंत पोहोचू शकतात. दुसरीकडे जर तुम्ही एकाच वेळी क्रेडिट कार्डचं संपूर्ण बिल भरण्यास असमर्थ असाल तर तुमच्याकडे ईएमआयने बिल भरणे हा एक ऑप्शन असतो.

क्रेडिट कार्ड कंपन्या अनेकदा कार्डधारकांना त्यांची थकबाकी असलेली रक्कम ईएमआयमध्ये रूपांतरित करण्याची परवानगी देतात. तुम्ही क्रेडिट कार्ड कंपनीशी संपर्क साधून तुमची देय रक्कम ईएमआयमध्ये रूपांतरित करण्याची विनंती करू शकता.

तुम्ही तुमच्या बँकेच्या नेटबँकिंग पोर्टलद्वारेही हे करू शकता. याशिवाय अनेक बँका किंवा कार्ड कंपन्या विशिष्ट ब्रँडसह ईएमआय सुविधा देतात.

जेव्हा तुम्ही EMI चं ऑप्शन निवडता, तेव्हा तुमच्या कार्डवरील क्रेडिट लिमिट थकबाकीच्या रकमेपर्यंत ब्लॉक केली जाते आणि तुमच्या EMI पेमेंटनुसार हळूहळू अनब्लॉक केली जाते.