जुन्या Tax मधून तुम्हाला नव्या रिजीममध्ये स्विच कसं करायचं?

अर्थमंत्री निर्मला सितारामन यांनी बजेटमध्ये यंदा नवीन टॅक्स स्लॅब आणला आहे. मात्र जुना टॅक्स स्लॅब सध्यातरी बंद करणार नाही असे संकेत दिले आहेत. नवीन किंवा जुनी पद्धत निवडण्याचा पर्याय हा नागरिकांवर सोडण्यात आला आहे. तुम्हाला जर नव्या टॅक्स स्लॅबमध्ये शिफ्ट करायचं असेल तर कसं करु शकता हे आज आम्ही तुम्हाला सांगणार आहोत.

व्यक्तीगत टॅक्स भरणाऱ्यांना नव्या स्लॅबनुसार 7 लाख रुपयांपर्यंत टॅक्स भरण्याची आवश्यकता नाही असं सांगण्यात आलं आहे.

जे नोकरी करतात त्यांना जुना किंवा नवा आयकर प्रमाणाली निवडण्याची मुभा नागरिकांना देण्यात आली आहे. नोकरदार आणि व्यावसायिकांना 10-IE म्हणून एका फॉर्म आहे तो भरावा लागणार आहे. तो पूर्ण भरुन झाल्यानंतर तुम्हाला जमा करायचा आहे.

टॅक्स बडीचे निर्माते सुजित बांगर म्हणाले की, जर पगारदार कर्मचाऱ्याने कोणत्याही व्यवसायातून उत्पन्न मिळवले तर त्याचे उत्पन्न वेतन आणि PGBP अंतर्गत येईल. शेअर्स, F&O, कमोडिटीज किंवा कमोडिटी डेरिव्हेटिव्ह्ज, फ्रीलान्सिंग, YouTube किंवा इतर मार्गाने पैसे कमवणं याचा देखील यामध्ये समावेश करण्यात आला आहे.

बांगर यांच्या म्हणण्यानुसार, आयकर रिटर्न भरताना, पगार आणि व्यवसाय दोन्ही मिळकत मिळवणाऱ्या करदात्याला “पगाराचे उत्पन्न” आणि “व्यवसाय किंवा नोकरीतील नफा” (PGBP) या शीर्षकाखाली प्रत्येक प्रकारच्या उत्पन्नाची स्वतंत्रपणे यादी करावी लागते.

फक्त नोकरदारांसाठी फक्त ITR-1 आहे मात्र ते हा भरू शकणार नाहीत. अशा लोकांना ITR-3 किंवा ITR-4 सादर करावे लागेल आणि त्यांचा व्यवसाय आणि पगाराचे उत्पन्न दोन्ही घोषित करावे लागेल.