Gold Silver Rate: ही संधी सोडू नका! 60 हजारांच्या खाली आलं सोनं, चांदीची चमकही झाली कमी

लग्नसराई सुरु झाली आहे. या काळात सोन्या चांदीला प्रचंड मागणी असते. दरम्यान आता सोनं स्वस्त झालंय. ही सोनं खरेदीरासांठी सुवर्ण संधी आहे. बुधवारी वायदा बाजारात सोन्याच्या किंमतीत चढ-उतार पाहायला मिळत होते. यानंतर आजही हिच स्थिती आहे. आज सोन्याच्या किंमती या घसरल्या आहेत.

गुरुवारी म्हणजेच 25 मे 2023 रोजी सोन्याचा रिकॉर्ड 60,000 रुपये प्रति 10 ग्रॅमच्या स्तराच्या खाली आला आहे. सकाळी 11.30 वाजेपर्यंत त्यात 165 रुपयांनी म्हणजेच 0.28 टक्क्यांनी घट होऊन ती 59,695 रुपये प्रति ग्रॅमवर ​​पोहोचली आहे.

बुधवारी सोन्याचा भाव 59,860 रुपये प्रति 10 ग्रॅमवर ​​बंद झाला होता. कालच्या तुलनेत आज सोन्याच्या भाव घसरला आहे. सोनं खरेदीरासांठी ही गुडन्यूज आहे.

चांदीच्या किमतीबद्दल बोलायचे झाले तर त्यातही घसरण सुरुच आहे. चांदी आज पहाटेपासून लाल चिन्हावर व्यवहार करतेय. सकाळी 11.30 वाजता 70,705 रुपये प्रति किलोपर्यंत पोहोचली आहे. यामध्ये कालच्या तुलनेत 381 रुपयांनी म्हणजेच 0.54 टक्के घट दिसून येतेय. काल मल्टी कमोडिटी एक्सचेंज म्हणजेच फ्युचर्स मार्केटमध्ये चांदी 71,086 रुपयांवर बंद झाली होती.

नवी दिल्लीमध्ये 22 कॅरेट सोनं 56,400 रुपये प्रति 10 ग्राम तर चांदी 74,050 रुपये प्रति किलोग्राम आहे. तर मुंबईमध्ये 22 कॅरेट सोनं 56,250 रुपये प्रति 10 ग्राम, चांदी 74,050 रुपये प्रति किलोग्राम आहे.