मंगळवारी दिल्लीतील सराफा बाजारात सोनं (Gold Price) प्रति 10 ग्रॅम 48,411 रुपये होतं, तर चांदी (Silver Price) प्रति किलोग्रॅम 65,208 रुपये होती. दिल्लीतील सराफा बाजारात बुधवारी (20 जानेवारी, 2021) सोनं (Gold Price Today) आणि चांदीच्या (Silver Price Today) दरात वाढ झाली. सोनं प्रति तोळा 347 रुपयांनी वाढून 48,758 रुपये झालं आहे. तर आंतरराष्ट्रीय बाजारात सोनं 1,854 डॉलर प्रति औंसवर पोहोचलं आहे. चांदी प्रति किलोग्रॅम 606 रुपये वाढून 65,814 रुपयांवर पोहोचली आहे. आंतरराष्ट्रीय बाजारात चांदीची किंमत 25.28 डॉलर प्रति औंस झाली आहे. तज्ज्ञांच्या मते आंतरराष्ट्रीय बाजारातील सोन्याच्या वाढत्या किमतीचा परिणाम भारतीय बाजारातही झाला आहे.
