Personal Loan घेताना लक्षात ठेवा या गोष्टी, अन्यथा...

आयुष्यात अनेक वेळा अशा कठीण प्रसंग समोर येतात आणि पैशाची अचानक गरज भासते. अशा वेळी अनेक लोक पर्सनल लोनचा पर्याय निवडतात. पर्सनल लोन सहज उपलब्ध आहे, परंतु व्याजदर जास्त आहेत. त्यामुळे तुम्हीही ते घेण्याचा विचार करत असाल तर काही गोष्टी लक्षात ठेवा आणि मगच कर्ज घेण्याचा निर्णय घ्या. यामुळे तुम्हाला तुमच्या निर्णयाचा कधीही पश्चाताप होणार नाही.

पर्सनल लोन घेताना, तुम्ही तुमच्या कर्जाच्या रकमेविषयी शंभरवेळा विचार केला पाहिजे. कर्ज घेताना त्याचे व्याज किती जास्त आहे हे लक्षात ठेवा. जे आपण सहजपणे परतफेड करू शकू तेवढेच कर्ज घ्या. कर्जाची रक्कम घेताना, एकदा त्याच्या EMI बद्दल एकदा जाणून घ्या.

अनेकदा लोन ईएमआय कमी यावा म्हणून आपण दीर्घ कालावधीसाठी लोन घेतो. मात्र यामुळे मोठे नुकसान होते. तुम्हाला जास्त व्याज भरावे लागते. यामुळे कमी कालावधीसाठी लोन घ्या.

पर्सनल लोनचे व्याज 10 टक्के ते 24 टक्के असू शकते. म्हणून, कर्ज घेण्यापूर्वी, आपण अनेक बँकांना भेट दिली पाहिजे. जेणेकरून बँकांच्या व्याजदरांची तुलना करता येईल. जिथे व्याज कमी असेल तिथून कर्ज घ्या. यामुळे तुमचा EMI कमी होईल.

पर्सनल लोनच्या वेळी तुमचा क्रेडिट स्कोअर देखील विचारात घेतला जातो. जर तुमचा क्रेडिट स्कोअर चांगला नसेल तर तुम्हाला महागड्या व्याजदराने कर्ज मिळेल. म्हणूनच तुम्ही तुमचा क्रेडिट स्कोर चांगला ठेवण्याचा प्रयत्न करा.

पर्सनल लोनच्या काही अटी आहेत जसे की तुमचे उत्पन्न किमान 15,000 ते 30,000 रुपयांच्या दरम्यान असावे. सध्याचा नोकरीचा अनुभव एक वर्षापेक्षा जास्त असावा.

कर्ज घेतले असेल, तर त्याचा हप्ता वेळेवर फेडण्याचे लक्षात ठेवा. तुम्ही असे न केल्यास तुमचा CIBIL स्कोर खराब होईल, तसेच भविष्यात कर्ज घेण्याच्या क्षमतेवरही परिणाम होईल.