पाण्यापेक्षाही स्वस्त झालं कच्च तेल, दिवाळीपूर्वी पेट्रोल-डिझेलच्या किंमती होणार कमी?

कोरोनाव्हायरचे (Coronavirus Crisis) युरोपियन देशांतील वाढत्या संक्रमणामुळे पुन्हा एकदा कच्च्या तेलाच्या किंमती घसरल्या आहेत. वृत्तसंस्था रॉयटर्सच्या म्हणण्यानुसार, जगभरात मागणी कमी होण्याच्या शक्यतेमुळे कच्च्या तेलाच्या किंमतींवर दबाव वाढला आहे. तसेच कच्च्या तेलाचे उत्पादन आणि निर्यात करणाऱ्या देशांकडून क्रूडचा पुरवठा निरंतर वाढविला जात आहे.

या कारणास्तव, ब्रेंट क्रूड 4 प्रति बॅरल पातळीवर घसरून 37 डॉलरवर आला आहे. या प्रचंड घटानंतर कच्चे तेल पाण्यापेक्षा स्वस्त झाले आहे. भारत 83 टक्क्यांहून अधिक कच्च्या तेलाची आयात करतो आणि यासाठी दरवर्षी 100 अब्ज डॉलर्स द्यावे लागतात.

पाण्यापेक्षा कच्चे तेल कसे स्वस्त झाले- सध्या कच्च्या तेलाची किंमत प्रति बॅरल 37 डॉलर आहे. एका बॅरलमध्ये 159 लिटर तेल असते. सध्या एका डॉलरची किंमत 74 रुपये आहे. याचा अर्थ एका बॅरलची किंमत 2733 रुपये आहे. तर, एक लीटरमध्ये त्याची किंमत 17.18 रुपयांच्या जवळ येते. देशात पाण्याच्या बाटलीची किंमत 20 रुपयांच्या जवळ आहे.

कच्च्या तेलाचे दर का घसरत आहेत- कोरोना विषाणूचा प्रसार रोखण्यासाठी युरोपमधील देशांनी पुन्हा एकदा लॉकडाऊन जाहीर केला आहे. त्याच वेळी, व्यवसायही ठप्प झाले आहेत. परिणामी, पेट्रोल आणि डिझेलची मागणी आणि वापर वेगानं घसरली आहे.

दरम्यान सौदी अरेबिया, रशिया आणि अमेरिका कच्च्या तेलाचे उत्पादन कमी करण्यास सहमत नाहीत. सौदी अरेबियाने तेलाचे सर्वात जास्त उत्पादन करते. त्यानंतर, कच्च्या तेलावर अवलंबून असलेल्या सौदी अरेबियाची अर्थव्यवस्था गडगडू लागली, यामुळे क्रूडच्या किंमती खूप वेगात कमी झाल्या.

कच्चे तेल हे भारतीय अर्थव्यवस्थेसाठी किती वरदान ठरेल - भारत सरकारने या काळात कमी किंमतीत कच्चे तेल विकत घेतले असेल, पण पेट्रोल-डिझेलच्या किंमतीचे प्रमाण फारसे बदललेले नाही. यामुळे सरकारला दोन मोठे फायदे झाले. सर्व देशातील चालू खात्यातील तूट (CAD) कमी झाली आणि दुसरे म्हणजे सरकारचे उत्पन्न वाढले. अर्थव्यवस्थेच्या बाबतीत, आणखी एक चांगली घटना नुकतीच घडली आहे. डॉलरच्या तुलनेत रुपया सुधारला आहे. डॉलरच्या तुलनेत रुपया हळूहळू 77 वरून 74 पर्यंत सुधारला.