IRCTC Tour: इंडियन रेल्वेचे हे टूर पॅकेज पाहिले का? स्वस्तात फिरुन या नॉर्थ ईस्ट

भारतीय रेल्वे देशाच्या विविध भागांसाठी IRCTC सोबत मिळून टूर पॅकेजेस लॉन्च करते. आज आम्ही ​​तुम्हाला नॉर्थ ईस्टच्या टूर पॅकेजची माहिती देतोय.

या पॅकेजद्वारे तुम्ही दिल्लीहून फ्लाइटने कालिंपोंगमध्ये जाल. हे पश्चिम बंगालच्या दार्जिलिंग जिल्ह्यात आहे. येथे तुम्ही एक रात्र हॉटेलमध्ये राहाल.

या पॅकेजमध्ये तुम्हाला नाश्ता आणि रात्रीच्या जेवणाची सुविधा मिळेल. तसेच तुम्हाला बागडोगरा, गंगटोक आणि दार्जिलिंगचा प्रवास करायला मिळेल.

या पॅकेजद्वारे तुम्ही 27 फेब्रुवारी, 21 मार्च आणि 28 मार्चला नॉर्थ ईस्टमध्ये प्रवास करू शकता. हे संपूर्ण पॅकेज 6 दिवस आणि 5 रात्रीचे आहे.

या पॅकेजमध्ये तुम्हाला प्रत्येक ठिकाणी हॉटेलमध्ये रात्रभर मुक्काम करण्याची सुविधा मिळेल. यासोबतच तुम्हाला सगळीकडे फिरण्यासाठी नॉन एसी बसची सुविधा मिळणार आहे.

या टूर पॅकेजमध्ये, तुम्हाला एकट्याने प्रवास करण्यासाठी 50,200 रुपये, दोन लोकांसाठी 40,400 रुपये आणि प्रवास करणाऱ्या तीन व्यक्तींसाठी 39,400 रुपये शुल्क प्रति व्यक्तीसाठी द्यावे लागेल.