Gold Rate : चैत्र नवरात्रीत सोनं 60 हजारांवर, लग्नासाठी सोनं खरेदी करणाऱ्यांचं वाढलं टेन्शन

मुंबई : लग्नसराईचे दिवस सुरू झाले आहेत. त्याच दरम्यान चैत्र नवरात्रही सुरू आहे. अक्षय तृतीया तोंडावर आली आहे. त्यामुळे सोन्याच्या दागिन्यांची मागणी देखील वाढू शकते. त्यामुळे सोन्याच्या किंमती आणखीन वाढण्याची शक्यता आहे.

गेल्या तीन दिवसांपासून सोन्याचे दर वाढले आहेत. एवढंच नाही तर आता चांदीच्या दरातही तेजी पाहायला मिळाली आहे. चांदीचे दर 69 हजारवर पोहोचले आहेत.

२४ कॅरेट 10 ग्रॅम सोन्यासाठी ६० हजार रुपये मोजावे लागत आहेत. शुक्रवारी 59,780 रुपये दर होता. आता २२० रुपयांनी सोनं वाढलं आहे.

24 कॅरेट 8 ग्रॅम सोन्यासाठी आज 48,000 रुपये मोजावे लागणार आहेत. शुक्रवारी हेच दर 47,824 रुपयांवर होते. यामध्ये 176 रुपयांनी वाढ झाली आहे.

२२ कॅरेट सोन्याचे दर 55,000 वर पोहोचले आहेत. तर 1 ग्रॅम सोन्यासाठी 5,500 रुपये मोजावे लागत आहेत.

भारतातील सोन्या-चांदीची किंमत फ्युचर्स मार्केटच्या ट्रेडिंगनुसार ठरवली जाते. ट्रेडिंग दिवसाचा शेवटचा बंद हा पुढील दिवसाचा बाजारभाव मानला जातो.

यामध्ये वेगवेगळ्या शहरांमध्ये इतर काही शुल्कासह दर निश्चित केला जातो आणि त्यानंतर किरकोळ विक्रेता दागिन्यांमध्ये मेकिंग चार्जेस आकारून त्याची विक्री करतो.

24 कॅरेट सोने 99.9 टक्के शुद्ध आणि 22 कॅरेट सुमारे 91 टक्के शुद्ध आहे. 22 कॅरेट सोन्यात तांबे, चांदी, जस्त यासारखे 9% इतर धातू मिसळून दागिने तयार केले जातात. 24 कॅरेट सोने हे सर्वात शुद्ध असले तरी ते अतिशय लवचिक आणि कमकुवत आहे. या कारणास्तव त्यापासून दागिने बनवता येत नाहीत.