BMC बजेटमधील 4 महत्त्वाच्या गोष्टी, निवडणुकीत कोणासाठी ठरतील हुकमाचं पान?

मुंबई : आगामी निवडणुकीच्या पार्श्वभूमीवर BMC बजेट सादर केल्याचं एकूणच हे बजेट पाहता दिसत आहे. यामध्ये प्रामुख्याने चार गोष्टी डोळ्यासमोर ठेवण्यात आला आहेत. असं असलं तरी येत्या काळात एकूण राजकीय परिस्थिती पाहता कोणासाठी हुकमाचं पान ठरणार हे पाहाणं महत्त्वाचं आहे. असं असलं तरी यावेळच्या बजेटमधून मुंबईकरांना मात्र दिलासा मिळाला आहे.

२०२३-२४ अर्थसंकल्पिय अंदाजाबाबत महानगरपालिका आयुक्त डॉ. इकबाल सिंह चहल यांनी सादर केला. त्यावेळी त्यांनी BMC समोर यंदाच्या बजेटमधील प्रमुख चार गोष्टी कोणत्या आहेत याची माहिती दिली.

यंदाचं बजेट हे प्रामुख्याने चार गोष्टींभोवती फिरणारं आहे. सर्वात पहिली गोष्ट म्हणजे आरोग्य. यामध्ये मानसिक आरोग्यापासून ते अगदी रुग्णांपर्यंत आणि कमी दरात अगदी आरोग्य सेवा पुरवण्यापर्यंत अनेक तरतूदी करण्यात आल्या आहेत.

याशिवाय वाढणाऱ्या प्रदूषणाच्या पार्श्वभूमीवर BMC ने प्लॅन तयार केला आहे. याशिवाय यंदा नागरिकांकडूनही सूचना मागवल्या होत्या. 900 पैकी काही सूचनांवर विचार करून त्यानुसार अंमलबजावणी करण्यात येणार असल्याचं सांगितलं.

शिक्षण, पर्यावरण, ट्रान्सपरन्सी या गोष्टी महत्त्वाच्या आहेत. हे बजेट पुन्हा शिवसेनेला BMC चा गड राखायला मदत करणार का की भाजपला BMC वर सत्ता मिळवून देण्यात यशस्वी ठरणार हे पाहाणं महत्त्वाचं ठरणार आहे.