ही आहे फुलांची सर्वात मोठी बाजारपेठ, एका मिनिटात विकतात 25 लाख फुलं

हाॅलंडमध्ये जगभरातली फुलं विक्रीसाठी येतात. इथे ट्युलिपची शेती सर्वात जास्त होते. पण ट्युलिपशिवाय इतर फुलांचीही विक्री होते.

हाॅलंडमधून रोज 30 कोटींपेक्षा जास्त फुलं जगात पोचतात. इथे आल्समीर, नाल्दविज आणि रिजंसबर्ग या तीन मोठ्या फुलांचा लीलाव होतो. एक मिनिटात 25 लाख फुलांचा लीलाव होतो.

हा लीलाव स्टाॅक एक्सचेंजसारखा होतो. म्हणून हाॅलंडला वॉल स्ट्रीट ऑफ फ्लाॅवर्स म्हटलं जातं.

हा लीलाव पहाटे 6 वाजता सुरू होतो. हा लीलाव एक युरोपासून सुरू होतो. विक्रीप्रमाणे किमतीत चढउतार होतात. हा लीलाव 35 मोठ्या डिस्प्ले युनिटवर दिसतो. तीन ठिकाणी डिस्प्ले ट्रेंडिंग रूम असतात.

ट्रेंडिंग रूममध्ये की पॅड आणि माॅनिटर लागलेले असतात. फुलांची खरेदी आॅनलाइनही करता येते.

2 ते 3 तासात ही फुलं 280 स्कुटर ट्राॅली ड्रायव्हर इच्छित ठिकाणी पोचवतात. यासाठी हाॅलंडमध्ये वेगळी वाहतूक व्यवस्था आहे.

2.5 लाख फुलं भरलेली ट्राॅली डाॅकवर पोचते. ही प्रक्रिया सकाळी 6 ते 11पर्यंत चालते.

सर्वात जास्त फुलांची विक्री जर्मनी (29 टक्के), युनायटेड किंगडम (14 टक्के), फ्रान्स (13 टक्के) या देशासाठी होते. आशियाच्या बाजारात 10 टक्के होते. वाचलेली फुलं अमेरिका, रशिया आणि सर्बियामध्ये जातात.

ट्युलिप, क्रोकस आणि हायसिंथ या फुलांची विक्री जास्त होते. त्यापाठोपाठ गुलाबांची विक्री होते.

अॅमस्टरडॅम इथे फुलांचं फ्लोटिंग माॅकेट पाहायला जगभरून पर्यटक येतात.