Success story : गहू आणि चण्यानं धोका दिला अन् द्राक्षांनी नशीब चमकलं, आज करतोय 15 लाखांची कमाई

प्रतिनिधी ललितेश कुशवाह भरतपूर : बऱ्याचदा पारंपरिक शेतीमधून शेतकरी बाहेर येत नाहीत. मात्र एका शेतकऱ्याने हे धाडस केलं आणि आज त्याचं सोनं झालं. त्याने ही जोखीम पत्करली. राजस्थान सारख्या भागात त्याने नाशिकमधील द्राक्षांच्या वेली नेऊन फुलवल्या आणि त्यातून लाखोंची कमाई देखील केली आहे. हा शेतकऱ्याचा आदर्श अनेक युवा शेतकऱ्यांनी घ्यायला हवा. त्याने नेमकं कसं यश मिळवलं जाणून घेऊया.

शेतकरी रघुवीर सैन यांनी पारंपरिक शेती सोडली. ते आधी गहू आणि चणा आपल्या शेतात लावायचे. आता त्यांनी आपल्या बागेत द्राक्ष लावली आणि त्यातून वर्षाला 10 ते 15 लाख रुपये त्यांची कमाई होते.

बाकीच्या शेतकऱ्यांना बागायतीकडे वळताना पाहून त्यांनीही ही जोखीम पत्करली आणि त्यांना यशही मिळालं. नाशिकहून द्राक्ष वेली विकत घेऊन लागवड सुरू केली. रासायनिक खतांऐवजी सेंद्रिय खतांचा वापर केला. चांगल्या उत्पादनासोबत फळेही चांगल्या दर्जाची मिळत आहेत.

मी पाच वर्षांपूर्वी नाशिकहून द्राक्षाच्या वेली आणल्या आणि सुमारे १ हेक्टर जमिनीवर शेती करायला सुरुवात केली. जानेवारी महिन्यापासून फळे येण्यास सुरुवात झाली असून ती मेपर्यंत सुरू राहणार असल्याचं सैन यांनी सांगितलं.

देशातील विविध दारू कारखान्यांमध्ये या द्राक्षाला मागणी आहे.

या कंपन्या थेट शेतकऱ्याच्या शेतातूनच माल घेऊन या मालाऐवजी बाजारातून चांगला भाव देत आहेत. या द्राक्षाची किंमत 40 रुपये किलो आहे. दरवर्षी या शेतकऱ्याला या शेतीतून 10 ते 15 लाख उत्पन्न मिळतं.