जगातल्या सर्वात 'छोट्या' महिलेनं नागपुरात असा बजावला मतदानाचा हक्क

लोकसभा निवडणुकीसाठी नागपुरात 11 एप्रिलला मतदान पार पडलं. 25 वर्षीय ज्योती आमगेनं नागपूरमध्ये आपल्या मतदानाचा हक्क बजावला आहे. ज्योतीच्या उंचीमुळे तिची सर्वत्र चर्चा आहे.

जगातील सर्वात बुटकी स्त्री म्हणून ज्योतीचं नाव गिनीज बुक ऑफ वर्ल्ड रेकॉड्समध्ये नोंदवण्यात आलं आहे. ज्योतीची उंची फक्त 63 सेमी आहे.

11 एप्रिल रोजी (शुक्रवारी) नागपूरमध्ये लोकसभा निवडणुकीसाठी मतदान पार पडले. इतर मतदारांसोबत ज्योती रांगेत उभं राहिली आणि आपल्या मतदानाचा हक्क बजावला.

मतदान केल्यानंतर ज्योतीनं ‘आपलं मत मोलाचं आहे आधी मतदान करा आणि मग आपली कामं पूर्ण करा’ असा संदेशही दिला.

ज्योती बिग बॉसच्या सहव्या सिझनमध्ये सहभागी झाली होती. अमेरिका आणि इटलीतील काही सीरियलमध्ये तिने काम केलं आहे. याशिवाय ती उत्तम कुक आहे.