Wardha News: अवकाळी पावसाने झोडपले, शेतकऱ्यांचे मोठे नुकसान, पाहा Photos

वर्धा जिल्ह्यात आठवड्यापासून ढगाळ वातावरण असल्याने शेतकऱ्यांची चिंता वाढविली आहे. रब्बी हंगामातील हरभरा, गहु पीके काढणीला आली असून उन्हाळी पिकेही धोक्यात आली आहेत.

हवामान खात्याकडून पावसाची शक्यता वर्तविण्यात आली होती. जिल्ह्यातील बहुतांश ठिकाणी विजेच्या गडगडाटसह सोसाट्याचा वादळी वारा आला.

वारा आणि अवकाळी पावसाने परिसरातील शेती पिकांना मोठा फटका बसला आहे. त्यामुळे शेतकऱ्यांच्या अडचणी वाढल्या आहेत.

मृग बहाराचा संत्रा तोडणीला आला आहे. मात्र, अनेक शेतकऱ्यांची संत्रा बाग विकली नाही. वादळी वाऱ्याने संत्रा जमीनदोस्त झाला आहे.

वादळी वाऱ्यामुळे संत्रा उत्पादकांना फटका बसला आहे. झाडांवरील संत्रा गळून पडल्याने शेतकऱ्यांच्या हातातोंडाशी आलेला घास हिरवला.

अवकाळी पावसामुळे गहू, हरभरा आणि भाजीपाला उत्पादकांचे मोठे नुकसान झाले आहे.

सध्या शेतकऱ्यांच्या शेतात गहू आणि हरभरा निघण्याच्या तयारीत आहे. अशात आलेल्या अवकाळी पावसामुळे मोठ्या प्रमाणात गव्हाचे नुकसान झाले.

शेतकऱ्यांनी हरभऱ्याची कापणी करून गंजी लावली होती. पण, अचानक आलेल्या पावसामुळे हरभऱ्याची गंजी ओली झाली असून नुकसान झाले आहे.

कापसाला भाव नसल्याने शेतकऱ्यांच्या घरातच कापूस पडून आहे. अशातच इतर पिकांना अवकाळीचा फटका बसल्याने शेतकरी आर्थिक संकटात आहे.

वादळी वारा आणि अवाकाळी पावसामुळे अडचणीत आलेल्या शेतकऱ्यांकडून नुकसान भरपाईची मागणी होत आहे.