Amravati News: औषधी पिंपळीच्या शेतीनं शेतकऱ्याला होतोय लाखोंचा नफा, पाहा Photos

शेतकरी पारंपरिक शेती सोडून विविध प्रयोग आपल्या शेतीमध्ये करत आहेत. त्यामुळे शेतकऱ्यांना चांगला नफाही मिळत आहे.

अमरावतीतील अंजनगाव सुर्जी तालुक्यात शेतकरी औषधी वनस्पतींची शेती करतात. कोडगाव येथील शेतकऱ्यांनी पिंपळी या औषधी वनस्पतीची शेती केली आहे.

पिंपळीची लागवड जानेवारी ते मार्च महिन्याच्या पहिल्या आठवड्यापर्यंत करतात. स्थानिक वेलीचाच उपयोग नविन लागवडीसाठी करतात.

पिंपळी पिकाचे 1 लाख 8 हजार बेणे प्रती हेक्टरी लागते. त्यासाठी एक हेक्टर क्षेत्रामध्ये साधारणतः 3 हजार वाफे तयार केले जातात.

पिंपळीच्या वेलांना आधार म्हणून हेटा किंवा पांगरा याची लागवड करतात. वेल वाढण्यास सुरवात झाल्यानंतर वेलीला आधारासाठी लव्हा गवताने किंवा प्लास्टीक दोरीने पांगरा किंवा हेट्यास बांधले जाते.

पिंपळी फळांचे वाळवून 7 ते 10 क्विंटल प्रती हेक्टर उत्पादन मिळते. पिंपळीला मागणीनुसार 250 ते 700 रु. प्रती किलो भाव मिळतो.

पिंपळीची बाजारपेठ दिल्ली, निमच, मुंबई येथील औषधी वनस्पतीच्या मंड्या आहेत. पिंपळीचा उत्पादन खर्च कमी असून उत्पन्न चांगले मिळते.

पिंपळी ही बहुवर्षीय बहुगुणीयुक्त वेलवर्गीय वनस्पती आहे. मसाले पदार्थात सुध्दा याचा उपयोग कमी प्रमाणात केला जातो.

पिंपळीचे शास्त्रीय नाव पेपर लॉगम असून ही वनस्पती 'पिपरेसी' वनस्पती कुटुंबातील आहे. या पिकाचा विस्तार भारता व्यतीरिक्त दक्षिण पूर्व आशियात आढळतो.

इंग्रजी भाषेत या पिकास लॉंग पेपर या नावाने संबोधले जाते. तर पिंपळी, पान पिंपळी, छोटी पिप्पल, पिप्पल, टिपली, मगधी ही भारतीय नावे आहेत.

पिंपळी या औषधी वनस्पतीचा उपयोग मानवीय तसेच पशुच्या आयुर्वेदिक, युनानी, तिबेटीयन व लोक औषधात केला जातो.

महाराष्ट्र, केरळ, आंध्र प्रदेश, आसाम, बंगाल व उत्तरांचल या प्रदेशात पिंपळी आढळते. पिंपलीची शेतील शेतकऱ्यांसाठी फायदेशीर ठरत आहे.