PHOTOS: राज्यात 100 टक्के Lockdown लावायचा का? पाहा सर्वपक्षीय बैठकीत कोण काय म्हणालं?

मुख्यमंत्री उद्धव ठाकरे -  हे जेवढ्या लवकर आपण थोपवू तेवढं आपण आपण हे संक्रमण रोखू शकू. माझं मत आहे की किमान 15 दिवस लॉकडाऊन करावा असं मतं आहे तुम्ही तुमचं मत सांगा.

देवेंद्र फडणवीस - देवेंद्र फडणवीस म्हणाले, मुख्यमंत्री आपण अंतिम निर्णय घ्यावा. आम्ही सहकार्य करु. पुढील 15 दिवस अनेक सुट्ट्या आहेत. त्यामुळेच निर्णय घ्यावाच लागेल.

सिताराम कुंटे - सर्वपक्षीय नेत्यांच्या बैठकीत राज्यात किती दिवस कडक लॉकडाऊन लावायचा याचा निर्णय मुख्यमंत्री उद्धव ठाकरे आणि मुख्य सचिव सिताराम कुंटे हे उद्या टास्क फोर्स सोबत बैठक घेऊन निर्णय जाहीर करणार आहेत.

विजय वडडेट्टीवार - आपण आता उपाययोजना नाही केली तर रुग्णं संख्या 10 लाखांवर जाईल. ती झाली तर आपण काय करणार... आज निर्णय घेऊन ही चेन तोडणं गरजेचं आहे. वनवाच महाराष्ट्रात लागलेला आहे. आता निर्णय घ्यावाच लागेल.

बाळासाहेब थोरात - ज्यांचं हातावर पोट आहे त्यांची परिस्थिती बिकट आहे. गेल्यावेळी आपण रोज 10 लाख जेवणाचे पॅकेट्स वाटत होतो. अशा नागरिकांचा पहिला प्रश्न जेवणाचा आहे. रेमडिसिवीरचे दोन उत्पादक गुजरातमध्ये आहेत. तेथून ते मिळण्यासाठी फडणवीस यांचा आपल्याला मदत होऊ शकतो. कटू निर्णय घेण्याची वेळ आपल्यावर आली आहे.

अशोक चव्हाण - परिस्थिती आटोक्यात आणण्यासाठी गरिबांचंही नुकसान होणार नाही याचाही विचार करायला पाहीजे. एवढ्या मोठ्या प्रमाणात सर्वांना आर्थिक मदत करता येणार नाही. एक दोन लोकांना ब्रीफिंगसाठी परवानगी मिळावी जेणेकरून योग्य माहिती लोकांपर्यंत पोहोचेल.

आरोग्यमंत्री राजेश टोपे - रेमडिसिवीर संदर्भात ज्या निर्माण करणाऱ्या 7 कंपन्या आहेत त्यांच्याशी माझी चर्चा झालीय. आपल्यालाल रोज दीड लाखांची गरज आहे. ट्रेसिंग वाढवलं पाहिजे. आम्हाला लसीचा पुरवठा लवकर केला पाहिजे. 40 लाख लस आपल्याला आठवड्याला हव्या आहेत आणि दररोज 6 लाख हव्या आहेत.