Kalyan-Dombivli Weather Update : आज पारा वाढणार? घराबाहेर पडण्यापूर्वी घ्या काळजी

राज्यात उष्णतेचा पारा चांगलाच चढला आहे.कल्याण डोंबिवली परिसरातही उन्हामुळे लोक हैराण झाले आहेत.

घराबाहेर पडताना सर्वांनी काळजी घ्यावी असे निर्देश हवामान खात्याने दिले आहेत.

काल 20 मे रोजी कल्याण - डोंबिवलीत कमाल तापमान 36 अंश सेल्सिअस होते तर किमान तापमान 27 अंश सेल्सिअस होते.

रविवारी देखील तापमान अधिक असेल असा अंदाज हवामान खात्याने वर्तविला आहे. रविवारी सकाळी कमाल तापमान 38 तर किमान तापमान 26 राहणार असल्याचा अंदाज वर्तविण्यात येत आहे.

पुढील काही दिवस असेच तापमान राहील असा अंदाज हवामान खात्याने वर्तवला आहे.