Narmada River ST Accident: इंदोर-अमळनेर प्रवासात 15 जणांना नर्मदेत जलसमाधी; एसटी अपघाताचे थरकाप उडवणारे फोटो आले समोर

मध्य प्रदेशमधील धार जिल्ह्यातील खलघाट इथं ही घटना घडली आहे.

आज सकाळी 9.45 वाजेच्या सुमारास ही घटना घडली आहे. या अपघातात 15 प्रवाशांचा मृत्यू झाला आहे. वेगवान कारला ओव्हरटेक करत असताना कदाचित नियंत्रण सुटून बस कठड्याला धडकली, असं धर आपत्ती व्यवस्थापन विभागाच्या बाळासाहेब खिस्ते यांनी सांगितलं.

बलकवाडा येथील खलटाका पोलीस स्टेशनच्या हद्दीत असलेल्या नर्मदा नदीच्या पुलावर ही घटना घडली आहे.

घटनास्थळी अग्निशमन दलाचे पथक पोहोचले असून बचावकार्य सुरू आहे.

इंदौर-अमळनेर बस क्रमांक MH 40 N 9848 अमळनेरला येत होती. मुसळधार पाऊस सुरू असताना अचानक चालकाचे नियंत्रण सुटले आणि पुलावरून बस नर्मदा नदीत कोसळली.

या बसमध्ये 50 ते 60 प्रवासी असल्याचे सांगितले जात आहे. आतापर्यंत 15 जणांचा यामध्ये मृत्यू झाला आहे. तर 12 ते 15 जणांना बाहेर काढण्यात यश आले आहे.

अजूनही बचावकार्य सुरू आहे. मृतांचा आकडा वाढण्याची भीती व्यक्त केली जात आहे.