'फक्त माझ्या एका फोनवर....' पवारांच्या नातवाचं आहे हे स्वप्न

राष्ट्रवादी काँग्रेसचे अध्यक्ष शरद पवार यांचे नातू रोहित पवार हे गेल्या काही दिवसांत राजकारणात सक्रीय झालेले पाहायला मिळत आहेत. (सर्व फोटो सौजन्य : रोहित पवार फेसबुक पेज)

जिल्हा परिषद सदस्य असलेल्या रोहित पवार यांनी एका जाहीर सभेत बोलताना आपली इच्छा व्यक्त केली आहे.

'फक्त माझ्या एका फोन वर लोकांची काम व्हावीत, अशा पातळीवर मला पोहचायचं आहे,' असं रोहित पवार म्हणाले.

'पक्षाने जर जबाबदारी दिली तर ती शेवटाला नेणार हा माझा शब्द आहे,' असं म्हणत त्यांनी आगामी निवडणुकीत मोठी जबाबदारी घेण्यास सज्ज असल्याचं दर्शवलं आहे.

शरद पवार यांचे नातू असणारे रोहित पवार हे सध्या पक्ष संघटनेत चांगलेच सक्रीय झाल्याचं दिसत आहे.

पुणे तसंच इतर जिल्ह्यामध्ये देखील ते पक्षाच्या कार्यक्रमांना आवर्जून हजेरी लावतात.

त्यामुळे आगामी काळात रोहित पवार राज्याच्या राजकारणात सक्रिय होतात के हे पाहण्याचं ठरणार आहे.

काही दिवसांपूर्वी रोहित पवार यांनी शिवसेनेवर टीका केली होती

'जर तुम्हाला हे सरकार जुमलेबाजीचं असं वाटत असेल तर सत्तेतून बाहेर पडा, सत्ता सोडा आणि मंत्र्यांना राजीनामे देण्यास सांगा,' अशी टीका रोहित पवार यांनी केली आहे.

आदित्य ठाकरेंनी भविष्यात जुमलेबाजी सरकार येऊ नये असं साकडं विठ्ठलाला घातलं होतं. त्यांच्या या वक्तव्यावर रोहित पवारांनी टीका केली होती.