Nagpur Weather Update : नागपुरात उष्णतेने केला आहे चांगलाच कहर, कधीपर्यंत राहणार तापमान?

नागपूरसह विदर्भात उष्णतेने कहर होत असल्याचे चित्र आहे.

उष्माघाताच्या घटना वाढल्याने शहरातील अनेक ठिकाणी रस्तेही दुपारी सूनसान दिसत आहेत.

नागपुरात काल 26 मे रोजी कमाल तापमान 42 अंश सेल्सिअस होते तर किमान तापमान 26.2 अंश सेल्सिअस होते.

आज 27 मे ते 29 मे दरम्यान तापमान कोरडे असणार आहे. मात्र विदर्भासह नागपुरात उष्ण हवामान आणि उष्ण घाताची शक्यता आहे. त्यामुळे योग्य ती खरदारी घ्यावी अशी सूचना प्रादेशिक हवामान विभागाच्या वतीने वर्तविण्यात आली आहे.

पुढील 3 दिवसात कमाल तापमानात कोणताही मोठा बदल होणार नाही व त्यानंतर पुढील दिवसात तापमान 2 ते 3 अंश सेल्सिअसने वाढ होईल, असा इशाराही हवामान विभागाने दिला आहे.

उष्णतेची दाहकता लक्षात घेता आवश्यकता नसल्यास दुपारी घराबाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.