Nagpur Weather Update : नागपूरकरांनो, काळजी घ्या! आजच्या तापमानाबद्दल नवी अपडेट

नागपूरसह विदर्भातील तापमानात कमालीचा बदल जाणवत आहे. तापमानात मोठी वाढ झाली असून येत्या काही दिवसांत तापमान आणखी वाढण्याची शक्यता आहे.

शहरातील उन्हाची दाहकता लक्षात घेता वर्दळीचे रस्तेही दुपारी सूनसान दिसत आहेत.

नागपुरात काल 25 मे रोजी कमाल तापमान 43 अंश सेल्सिअस होते तर किमान तापमान 26.6 अंश सेल्सिअस होते.

आज 26 मे ते 27 मे दरम्यान तापमान कोरडे असणार आहे. मात्र विदर्भासह नागपुरात उष्ण हवामान आणि उष्ण घाताची शक्यता आहे. त्यामुळे योग्य ती खरदारी घ्यावी अशी सूचना प्रादेशिक हवामान विभागाच्या वतीने वर्तविण्यात आली आहे.

पुढील 24 तासात कमाल तापमानात कोणताही मोठा बदल होणार नाही व त्यानंतर पुढील दिवसात तापमान 2 ते 3 अंश सेल्सिअसने घट होईल, असा इशाराही हवामान विभागाने दिला आहे.

उष्णतेची दाहकता लक्षात घेता सोबत पिण्याचे पाणी, रुमाल, टोपी, सन कोट इत्यादी बाळगावे. तसेच आवश्यकता नसल्यास दुपारी घराबाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.