Nagpur Weather Update : नागपूरसह विदर्भात अलर्ट, हवामान विभागाचा नवा इशारा

नागपूरसह विदर्भातील तापमानात कमालीचा बदल जाणवत आहे. तापमानात मोठी वाढ झाल्यानंतर पुन्हा एकदा अवकाळी पावसाचा इशारा नागपूर प्रादेशिक हवामान विभागाच्या वतीने देण्यात आला आहे.

उष्माघाताच्या घटना वाढल्याने शहरातील अनेक चौकातील सिग्नल्स दुपारच्या वेळी वाहतूक पोलिसांनी बंद केले आहेत.

शहरातील उन्हाची दाहकता लक्षात घेता वर्दळीचे रस्तेही दुपारी सूनसान दिसत आहेत.

नागपुरात काल 24 मे रोजी कमाल तापमान 43 अंश सेल्सिअस होते तर किमान तापमान 25.5 अंश सेल्सिअस होते.

आज 25 मे ते 27 मे दरम्यान तापमान कोरडे असणार आहे. त्यामुळे कुठलीही धोक्याची सूचना नसल्याचा अंदाज प्रादेशिक हवामान विभागाच्या वतीने वर्तविण्यात आला आहे.

पुढील 24 तासात कमाल तापमानात कोणताही मोठा बदल होणार नाही व त्यानंतर पुढील दिवसात तापमान 2 ते 3 अंश सेल्सिअसने घट होईल, असा इशाराही हवामान विभागाने दिला आहे.

उष्णतेची दाहकता लक्षात घेता सोबत पिण्याचे पाणी, रुमाल, टोपी, सन कोट इत्यादी बाळगावे. तसेच आवश्यकता नसल्यास दुपारी घराबाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.