Nagpur Weather Update : नागपूरकरांना आज मिळणारं का दिलासा? पाहा आजचं तापमान

नागपूरसह विदर्भातील तापमानात कमालीचा बदल जाणवत असून तापमानात मोठी वाढ झाल्यानंतर पुन्हा पावसाचे पुनरागमन आगमन होणार असल्याचा इशारा नागपुर प्रादेशिक हवामान विभागाच्या वतीने देण्यात आला आहे.

उष्माघाताच्या घटना वाढल्याने शहरातील अनेक चौकातील सिग्नल्स दुपारच्या वेळी वाहतूक पोलिसांनी बंद केले आहेत.

शहरातील उन्हाची दाहकता लक्ष्यात घेता एरवी वर्दळीच्या ठिकाणी देखील रस्ते दुपारच्या वेळी सूनसान झाले आहेत.

नागपुरात काल 23 मे रोजी कमाल तापमान 43.5 अंश सेल्सिअस होते तर किमान तापमान 27.6 अंश सेल्सिअस होते.

दिनांक 24 मे ते 27 मे रोजी पावसाचे पुनरागमन होणार आहे. त्यात 30-40 प्रती तास वेगाने विजांच्या कडकडाटासह वादळ निर्माण होण्याची शक्यता वर्तविण्यात आली आहे.

उष्णतेची दहाकता लक्षात घेता सोबत पिण्याचे पाणी, रुमाल, टोपी, सन कोट इत्यादी बाळगावे. तसेच आवश्यकता नसल्यास दुपारी घरा बाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.