Nagpur Weather Update : नागपूरात उष्णतेची दाहकता, सुटका नाहीच, पाहा आज काय असेल स्थिती?

नागपूरसह विदर्भातील तापमानात कमालीचा बदल जाणवत असून तापमानात मोठी वाढ झाली आहे. तर येत्या काही दिवसांत तापमान आणखी वाढण्याची शक्यता आहे.

उष्माघाताच्या घटना वाढल्याने शहरातील अनेक चौकातील सिग्नल्स दुपारच्या वेळी वाहतूक पोलिसांनी बंद केले आहेत.

शहरातील उन्हाची दाहकता लक्ष्यात घेता एरवी वर्दळीच्या ठिकाणी देखील रस्ते दुपारच्या वेळी सूनसान झाले आहेत.

नागपुरात काल 20 मे रोजी कमाल तापमान 42.8 अंश सेल्सिअस होते तर किमान तापमान 24.9 अंश सेल्सिअसची नोंद झाली.

आज 21 मे ला हवामान कोरडे राहणार असून तापमानात 2-3 अंश सेल्सिअसने वाढ होण्याचा अनुमान नागपूर प्रादेशिक केंद्राद्वारे देण्यात आला आहे.

उष्णतेची दहाकता लक्षात घेता सोबत पिण्याचे पाणी, रुमाल, टोपी, सन कोट इत्यादी बाळगावे. तसेच आवश्यकता नसल्यास दुपारी घरा बाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.