Nagpur News: नागपुरातील वॉकर्स स्ट्रीटवर अवतरली 'ग्लॅमर गर्ल', पाहा Photos

नागपुरातील सिव्हिल लाईन्स परिसरात असलेल्या मुख्यमंत्री निवास अर्थात ‘रामगिरी’ बंगल्यापुढील मार्ग वॉकर स्ट्रीट म्हणून ओळखला जातो.

गर्द वनराईने वेढलेला हा वॉकर्स स्ट्रीट परिसर म्हणजे तमात नागपूरकरांसाठी एक आल्हाददायक आणि आकर्षणाचा भाग आहे. सकाळ संध्याकाळ या रस्त्यावर पायी फिरणाऱ्यांची मोठी गर्दी असते.

या वॉकर्स स्ट्रीटवर चालणाऱ्या नागरिकांचे विविध भाव दर्शविणारे पुतळे (स्टॅचू) साकारण्यात आले आहेत.

विदेशाच्या धर्तीवर नागपुरात राबवलेला हा प्रकल्प सर्वांचे लक्ष वेधणारा ठरला आहे. 'वॉकर्स पॅराडाईज' अंतर्गत येथे 11 पुतळे बसवण्यात आले आहेत.

'वॉकर पॅराडाईज’मध्ये शहरातील तरुणाई, ज्येष्ठ, चिमुकले, महिला या सर्वांचे भाव साकारले आहेत.

जॉगर, रनर, रिस्ट वॉकर यासह वजन कमी करण्यासाठी नियमित फिरायला येणारी महिला, श्वानाला घेऊन फिरणारी व्यक्ती असे पुतळे उभारण्यात आले आहेत.

तसेच चिमुकलीला फिरायला घेऊन आलेली आई, नव्या युगातील तरुणी, तरुणांचा ग्रुप, काठीच्या आधाराने फिरणारे वृद्ध असे 11 प्रकारचे पुतळे येथे आहेत.

केंद्रीय मंत्री नितीन गडकरी यांच्या हस्ते नुकतेच या 'वॉकर्स पॅराडाईज' चे उद्घाटन करण्यात आले.

ग्रीन फाऊंडेशनने येथे ‘वॉकर पॅराडाईज’ साकारण्याची संकल्पना मांडली. नागपूर महापालिकेने जागेची उपलब्धता आणि जयस्वाल निको ग्रुपने पुतळे निर्मितीची जबाबदारी स्वीकारून या संकल्पनेला साथ दिली.

यंदा भारताला G20 परिषदेत अध्यक्षपद भूषवण्याचा मान मिळाला आहे. या परिषदेच्या पार्श्वभूमीवर देशभरासह नागपूर शहरात देखील जय्यत तयारी सुरु आहे.

नागपूर शहरात G20 परिषदेतर्गत नागरी संस्थाची C20 परिषद आयोजित करण्यात येत आहे. या परिषदेला विविध देशांमधील नागरी संस्थांचे प्रतिनिधी सहभागी होत आहेत.

C20 परिषद डोळ्यासमोर ठेवून नागपूर शहराचे सुशोभीकरण करण्यात येत असून त्यात शहरातील 'वॉकर्स स्ट्रीट' चा देखील समावेश आहे.

या प्रत्येक पुतळ्या खाली त्या त्या पुतळ्याचे भाव व्यक्त करणारे फलक लावले आहेत.