Kolhapur Weather Update : कोल्हापुरात नादखुळा उन्हाळा, तापमान न पाहता घराबाहेर पडू नका!

.यंदाचा उन्हाळा हा जास्तच उष्ण असल्याचे सध्या सर्वत्र जाणवत आहे. कडक उन्हामुळे नागरिकांच्या जीवाची काहीली होत आहे.

महाराष्ट्रासह कोल्हापुरातील नागरिकांनी वळवाच्या पावसाच्या सरी झेलल्या असल्या तरी देखील अजून काही दिवस या उन्हाच्या झळा सोसाव्या लागणार आहेत.

यंदा मान्सून देखील लांबणीवर जाण्याची शक्यता हवामान खात्याने वर्तवली आहे. त्यामुळे सध्या तरी उन्हापासून बचाव करतच नागरिकांनी काळजी घेण्याचे आवाहन हवामान खात्याने केले आहे.

कोल्हापुरात काल (18 मे) रोजी कमाल तापमान 38° सेल्सिअस तर किमान तापमान 23° सेल्सिअस इतके नोंदवले गेले आहे.

दरम्यान आज (19 मे) रोजी कमाल तापमान 38° सेल्सिअस तर किमान तापमान 22° सेल्सिअस राहण्याची शक्यता हवामान विभागाकडून वर्तवण्यात आली आहे.