EGG Dosa : डोसा आणि अंड्याची एकत्र मजा, ही डिश एकदा खाऊन तर पाहा, Photos

दाक्षिणात्य पदार्थांना नॉनव्हेजचा तडका देऊन खाण्याची पद्धत अनेक ठिकाणी आहे.

कोल्हापूरकरही गेल्या 18 वर्षांपासून डोसा आणि अंड्याचं फ्युजन असलेली अंडा डोसा ही डिश मोठ्या आवडीनं खात आहेत.

कोल्हापूरच्या शास्त्री नगर रोडवर बेस्ट अंडा डोसा अशी दस्तगीर इलाई भालदार यांचा अंडा डोसाचा गाडा आहे. या गाड्यावर ही डिश मिळते.

काहीतरी नवा पदार्थ बनवण्याचा विचार मी केला. त्यामधूनच या डिशची कल्पना सुचली,' असं दस्तगीर भालदार यांनी सांगितलं.

सध्या डोश्याला अंड्याचे ऑम्लेटचा टच देऊन हा अंडा डोसा बनवला जातो. सुरुवातीला तव्यावर साधा डोसा तयार करून घेतला जातो. त्यावर मेतकुट, कोल्हापुरी कांदा-लसूण चटणी, घरीच बनवलेली शेजवान चटणी टाकली जाते.

यावरच अंडे फोडले जाते. मग ते व्यवस्थित एकत्र करून डोश्यावर सगळीकडे पसरवले जाते. अशा प्रकारे हा अंडा डोसा तयार होतो.

भालदार यांच्याकडे प्लेन अंडा डोसा त्याचबरोबर अंडा उत्तापा, स्प्रिंग अंडा डोसा, स्प्रिंग हैद्राबादी डोसा, हैद्राबादी डोसा, चीज अंडा डोसा, चीज अंडा उत्तापा, चीज स्प्रिंग अंडा डोसा या सारखे वेगवेगळे पदार्थ मिळतात.

5 अंडी, 8 अंडी, 10 अंडी आणि 20 अंडी असणारे डोसे देखील ते बनवून देतात.

एखाद्या अनोख्या डिशची चव चाखायला कोल्हापूरकर नेहमीच उत्सुक असतात. पण, गेली 18 वर्षे हा कोल्हापूरकरांच्या जिभेला पसंत पडलेला अंडा डोसा आजही एक नवीन डिश असल्याप्रमाणेच विकला जातोय.