PHOTOS: क्षणात झालं होत्याचं नव्हतं..घरावरील छत उडाल्यानं शेवंताबाईंचा संसार उघड्यावर!

पाऊस आणि वादळी वाऱ्यामुळे मलंगगड परिसरातील आणि कल्याण पूर्व विधानसभा क्षेत्रातील शिरवली गावात राहणाऱ्या शेवंताबाई गायकर यांच्या घराचे पत्रे उडाले. क्षणात होत्याचं नव्हतं झालं. सध्या त्यांचा संसार उघड्यावर आला आहे.

ग्रामीण भागात गावोगावी मासळीचा व्यवसाय करणाऱ्या शेवंताबाई गायकर यांच्या घरावर वादळी वाऱ्यानं झडप घातली.

वादळी वाऱ्यामुळे त्यांच्या घराचे नुकसान झाले. छतावरील पत्रे उडाले असून शेवंताबाई यांच्या पाच मुलींसह त्यांना आता उघड्यावर आपला संसार मांडला लागला आहे.

कोरोना आणि लॉकडाऊन काम देखील बंद असल्याने उडालेली पत्रे घरावर बसवायचे तरी कसे? असा प्रश्न शेवंताबाईंसमोर उभा आहे.

घरात असलेले अन्नधान्य हे पावसानं भिजलं असून शासनाची कोणत्याही प्रकारची मदत अद्याप पोहोचली नाही.