गिरीश महाजनांच्या कन्येचा शाही विवाहसोहळा, श्रेयाच्या डोळ्यांमधील भाव ते वडिलांच्या चेहऱ्यावरील आनंद कॅमेऱ्यात कैद

भाजपचे नेते गिरीश महाजन यांच्या द्वितीय मुलीचा विवाह सोहळा उद्या 20 मार्चला संपन्न होणार आहे. या पार्श्वभूमीवर आज जळगाव जिल्ह्यातील जामनेर येथे गिरीश महाजन यांच्या निवासस्थानी त्यांची कन्या श्रेया हिच्या हळदीचा कार्यक्रम संपन्न झाला.

अत्यंत शही थाटात हा हळदीचा समारंभ आयोजित करण्यात आला होता.

या प्रसंगी गिरीश महाजन आणि त्यांच्या पत्नी साधना महाजन यांनी आपल्या कन्येला हळद लावून माता-पित्याचे कर्तव्य बजावले.

यावेळी गिरीश महाजन आणि त्यांच्या पत्नीच्या चेहऱ्यावरील आनंद कॅमेऱ्यात अतिशय मार्मिकपणे टिपला गेला

या हळदीच्या सोहळ्यासाठी जिल्ह्यातील अनेक आमदारांसह मान्यवरांची उपस्थिती होती.

गिरीश महाजन यांचे होणारे जावई अक्षय अजय गुजर हे मुळचे जळगाव जिल्ह्यातील चोपडा तालुक्यातील असून आय टी इंजिनीयर आहेत. तसेच त्यांचे कुठल्याही राजकीय घराण्याशी कोणताही संबंध नसून ते फूड इंडस्ट्रीचे मालक आहेत.

विवाह सोहळ्यासाठी जामनेर येथील हिवरखेडा रोडवर तेरा एकर जागेवर भव्य शाही मंडप उभारण्यात आला आहे. तसेच हजारो लोकांच्या भोजन व्यवस्थेसह पार्किंगची सुसज्ज अशी व्यवस्था करण्यात आलेली आहे.

या भव्य शाही विवाह सोहळ्यासाठी राज्यातील दिग्गज नेते हजेरी लावणार आहेत. यामध्ये केंद्रीय मंत्री नितीन गडकरी, विरोधी पक्षनेते देवेंद्र फडणीस, केंद्रीय मंत्री नारायण राणे, रावसाहेब दानवे, भाजप नेते चंद्रकांत पाटील, केंद्रीय मंत्री भागवत कराड, कपिल पाटील, भारती पवार रामदास आठवले, काँग्रेस नेते अशोक चव्हाण, शिवसेना नेते एकनाथ शिंदे, अब्दुल सत्तार, गुलाबराव पाटील, यांच्यासह राज्यातील व केंद्रातील मंत्री उपस्थित राहणार आहेत.