मोठी कारवाई, मुंबईतून 135 किलो सोनं जप्त

मुंबईतील डोंगरी भागातून महसूल गुप्तचर संचालनालयाने तब्बल 135 किलो सोनं जप्त केलं आहे.

सोनं जप्तीबाबतची महसूल गुप्तचर संचालनालयाची ही आतापर्यंतची सर्वात मोठी कारवाई असल्याची माहिती आहे.

डोंगरी भागातून सोनं जप्त करत सात जणांना अटकही करण्यात आली आहे. ही टोळी मुंबईतून विदेशात सोनं तस्करी करत होती.

गुप्तचर संचालनालयाला याबाबतची माहिती मिळाली. त्यानंतर सापळा रचून ही कारवाई करण्यात आली आहे. यामध्ये सोनं जप्तीसह सात जणांना अटक करण्यात आली आहे. सध्या त्यांची चौकशी सुरू आहे.