मराठा आरक्षण: मुख्यमंत्री उद्धव ठाकरे आणि मंत्रिमंडळ राज्यपालांच्या दारी; काय झालं काय ठरलं? पाहा PHOTO

मुख्यमंत्री उद्धव ठाकरे यांनी आज शिष्टमंडळासमवेत राज्यपाल भगतसिंह कोश्यारी यांची राजभवन येथे भेट घेतली. मराठा आरक्षणासंदर्भात केंद्र सरकारने पाऊले उचलण्याबाबत राष्ट्रपतींना विनंती करणारे पत्र दिले. या शिष्टमंडळात मराठा आरक्षण उपसमितीचे अध्यक्ष अशोक चव्हाण, उपमुख्यमंत्री अजित पवार, बाळासाहेब थोरात, एकनाथ शिंदे, जयंत पाटील, दिलीप वळसे पाटील, नाना पटोले यांचा समावेश होता.

मुख्यमंत्री उद्धव ठाकरे आणि मराठा आरक्षण उपसमिती अध्यक्ष अशोक चव्हाण यांची राज्यापालांसोबत बैठक

सर्वोच्च न्यायालयाने मराठा आरक्षण रद्द ठरवल्यानंतर राज्यात जोरदार राजकारण पाहायला मिळालं. त्यानंतर आता मुख्यमंत्री उद्धव ठाकरे आज राज्यपाल भगतसिंह कोश्यारी यांच्या भेटीसाठी राजभवनावर दाखल झाले आहेत.

यावेळी मुख्यमंत्र्यांसोबत उपमुख्यमंत्री अजित पवार, मराठा आरक्षण उपसमितीचे अध्यक्ष अशोक चव्हाण, गृहमंत्री दिलीप वळसे-पाटील, सार्वजनिक बांधकाममंत्री एकनाथ शिंदे उपस्थित आहेत.

या भेटीत मुख्यमंत्री उद्धव ठाकरे यांनी राष्ट्रपती रामनाथ कोविंद आणि पंतप्रधान नरेंद्र मोदी यांना लिहिलेलं पत्र राज्यपालांकडे दिलं

मराठा समाजाचं आरक्षण सर्वोच्च न्यायालयाने रद्द केल्यानं तमाम मराठा समाजामध्ये नाराजीचं वातावरण आहे.

मराठा समाजाला आरक्षण मिळावं म्हणून मुंबईसह संपूर्ण महाराष्ट्रात लोकांनी एकत्र येत मूकमोर्चे काढले होते. मराठा आरक्षणाच्या मागणीवर समाज ठाम आहे.

आरक्षण देण्याचा अधिकार आता राष्ट्पती यांचा आहे, त्यानुसार राज्यपाल कोशारी यांची भेट घेतली, असे मुख्यमंत्री म्हणाले. मराठा आरक्षणाचा सर्वानुमते ठराव केला होता. आता विशेष अधिवेशनात यावर पुढील निर्णय घेतला जाईल.