संभाजीनगरमधील ऐतिहासिक पानचक्कीतील हजारो माश्यांचा अचानक मृत्यूने खळबळ

छत्रपती संभाजीनगरमधील ऐतिहासिक ठेवा असलेल्या पानचक्कीतील दूषित पाण्यामुळे हजारो मासे मृत्युमुखी पडल्याने खळबळ उडाली आहे.

डोंगरातून आलेली नहर या पानचक्कीला पाणीपुरवठा करते. मात्र, उन्हाळा लागताच पाण्याची कमतरता शहराला भासू लागली आणि बऱ्याच ठिकाणी नागरिकांनी या नहरीवरच मोटर टाकायला सुरुवात केली.

यामुळे पानचक्कीला पाणीसाठा कमी झाला. पाणीपुरवठा कमी झाल्यामुळे पानचक्कीतील पाणी कमी होत गेले आणि उरलेल्या दूषित पाण्यामुळे या माशांचे मृत्यू झाली असल्याची प्राथमिक माहिती आहे.

यामध्ये अडीच ते तीन हजार मासे असल्याची माहिती समोर आली आहे.

दूषित पाण्यामुळे मृत्यू झालेल्या माशांना गोण्यांमध्ये भरून बाहेर काढण्याचे काम सुरू आहे.

दररोज देशभरातून हजारो पर्यटक येतात पानचक्की पाहण्यासाठी येत असतात.

काही दिवसांपूर्वी शहराच्या नामांतरावरुन वाद निर्माण झाला होता. नामांतराला समर्थन आणि विरोध करणाऱ्यांनी शहरात मोर्चे काढले होते.

मात्र, शहरातील ऐतिहासिक ठेवा जपण्याठी कोणी मोर्चे काढणार का? असा प्रश्न सर्वसामान्य लोक उपस्थित करत आहेत.