World Heart Day: जास्त घाम येतो आणि पायांवर सूज आहे? दुर्लक्ष करू नका, असू शकतात Heart Attack ची लक्षणं

छातीत दुखणे : अनेकदा आपल्याला काम करत असताना आपल्या छातीत कळ येते. छातीवर दबाव जाणवतो. गॅस किंवा अॅसिडिटी म्हणून याकडे दुर्लक्ष नको. हार्ट अटॅकचा तो धोका असू शकतो. वेळीच डॉक्टरांचा सल्ला घ्या

अति घाम येणे : काहीही काम न करता किंवा व्यायाम न करताही खूप घाम ये मोठ्या प्रमाणात घाम येत असेल तर तेही कमजोर हृदयाचं लक्षण आहे. हृदयरोगाशी संबंधित हे लक्षण नाही ना याची खात्री करून घेण्यासाठी डॉक्टरांचा सल्ला घ्यायला हवा.

चक्कर येणे : डोळ्यासमोर अंधारी येणं किंवा चक्कर येणं यासारखे प्रकार घडत असतील तर शरीराला रक्तपुरवठा व्यवसथित नसल्याचं ते लक्षण आहे. हृदयाचं कार्य योग्य प्रकारे चालत नसल्यानं हे होतं.

उलटी किंवा पोट खराब होणे : सतत पोट खराब होणं, मळमळ आणि उलटी होणे हे सुद्धा हार्ट अटॅकचं लक्षण आहे. त्यामुळे योग्यवेळी डॉक्टरांचा सल्ला घ्यायला हवा.

पायांना सूज येणे : पायांवर सातत्याने सूज येणं किंवा घोट्यांवर सूज ही हार्ट अटॅकची लक्षणं आहेत. त्या भागात रक्तपुरवठा अनियमित झाल्यानं असं होतं.

रक्तदाबाची समस्या : आपल्या आई-वडिलांपैकी कुणाला रक्तदाबाचा त्रास असेल ब्लड प्रेशर तपासत राहिलं पाहिजे. हाय ब्लड प्रेशर असलेल्यांना हृदयविकाराचा धोका जास्त असतो. वेळीच उपचार घेतले तर धोका कमी होऊ शकतो.

कोलेस्ट्रॉलचे प्रमाण : कोलेस्ट्रॉल हा रक्तातला महत्त्वाचा घटक आहे. परंतु त्याचं प्रमाण अतिरिक्त वाढलं तर रक्तवाहिन्यांमध्ये अडसर निर्माण होतो आणि हार्ट अटॅक येण्याचा संभव असतो. त्यामुळे रक्तातली कोलेस्ट्रॉलची पातळी नियमितपणे तपासली पाहिजे.

रक्तात साखरेचे प्रमाण : आपल्या शरीरातील रक्तात साखरेचं प्रमाण हे संतुलित असणं आवश्यक आहे. डायबेटिस असणाऱ्यांना हार्ट अटॅकचा धोका अधिक असतो.