#ChallegeAccepted असं म्हणत तुमच्याही मैत्रिणीने, बहिणीने Instagram वर ब्लॅक अँड व्हाइट फोटो पोस्ट केला आहे का?

तुमच्या बहिणींच्या, मैत्रिणींच्या, ओळखीच्या मुलींच्या किंवा तुम्ही फॉलो करत असणाऱ्या woman सेलेब्रिटींच्या इन्स्टाग्राम अकाउंटवर ब्लॅक अँड व्हाइट सेल्फी तुम्ही इतक्यात पाहिली असेलच.

#ChallegeAccepted असं म्हणत अनेक स्त्रिया Insagram वर आपले कृष्णधवल फोटो शेअर करत आहेत.जगभरात हा कसला नवा ट्रेंड आहे माहीत आहे का?

#WomenSupportingWomen #WomenInspiringWomen नावाची ऑनलाइन चळवळ सध्या जगभरात सुरू आहे आणि ही ऑनलाइन फोटोंची शृंखला त्याचाच भाग आहे.

सामान्यांपासून सेलेब्रिटी स्त्रियांपर्यंत सगळ्या जणी याचा आनंदाने भाग होत आहेत. तारा शर्माने शेअर केलेला हा फोटो

भारतातही मलायका अरोरा, दिया मिर्झा, सारा अली खानसारख्या सेलेब्रिटींनी ब्लॅक अँड व्हाइट फोटो टाकायला सुरुवात केल्यानंतर तर ही लाट भारतात वेगाने पसरत आहे.

कणखर स्त्रिया कायमच एकमेकींना उभारी देतात, असं लिहित दिया मिर्झाने #WomenInspiringWomen या ऑनलाइन चळवळीत भाग घेतला आणि आणखी काही सेलेब्रिटींना टॅग केलं.

किम शर्माने टॅग केल्यावर उर्मिला मातोंडकरनेही तिचा फोटो शेअर केला. स्त्रियांनी एकमेकींना साथ देणं ही स्त्री सबलीकरणाची पहिली पायरी असल्याचं तिने नमूद केलंय.

एकमेकींना टॅग करत ही शृंखला पुढे नेली जात आहे आणि काही दिवसातच जगभरात ही लाट आली आहे. सारा अली खाननेही यात फोटो पोस्ट केला.

अनन्या पांडेनेसुद्धा आणखी काही जणांना टॅग करत नारीशक्तीचा जयजयकार केला आहे.

मलायकाने बिपाशा बासूला टॅग करत #ChallegeAccepted असं म्हटलं आणि मग बिपाशानेसुद्धा एक थ्रोबॅक पिक शेअर केला.

अशा प्रकारे ब्लॅक अँड व्हाइट फोटो शेअर करण्याचा ट्रेंड नवा नाही. पण जगभरात एकाच वेळेला स्त्रियांनी एका विचाराने एकत्र येत अनौपचारिक ट्रेंड निर्माण करणं नवं आहे