योग्य ती काळजी घेऊनही शरीराच्या 'त्या' भागात कोरडेपणा का येतो?

व्हजायनल ड्रायनेस (vaginal dryness) बहुतेक महिलांना उद्भवणारी ही समस्या. एस्ट्रोजेन या फिमेल सेक्स हार्मोन्सची पातळी कमी होणं हे व्हजायनल ड्रायनेसचं प्रमुख कारण आहे. एस्ट्रोजेनची पातळी कमी होण्याची अनेक कारणं आहेत.

हेल्थलाइनवरील माहितीनुसार अँटि-एस्ट्रोजेन औषधं जी एस्ट्रोजेनची पातळी कमी करतात त्यामुळेदेखील व्हजायनामध्ये कोरडेपणा येतो.

प्रसूतीनंतर आणि स्तनपान करत असाल तर त्यावेळी तुम्हाला ही समस्या उद्भवू शकते.

मेनोपॉज (Menopause) रजोनिवृत्तीनंतर ही समस्या उद्भवते. फक्त रजोनिवृत्तीच नाही तर रजोनिवृत्ती येण्याआधी ज्याला Perimenopause असं म्हटलं जातं तेव्हाही असंच लक्षण दिसतं.

काही कारणामुळे गर्भाशय काढून टाकण्याची वेळ येते. त्यावेळीदेखील व्हजायना ड्रायनेस होतो. ओव्हरीज कॅन्सर थेरेपी घेतली असेल तरी त्याचा परिणाम होतो.

वेब एमडीनुसार डिप्रेशन, अति ताण याचाही व्हजायनावर परिणाम होतो.

तुम्हाला स्मोकिंग करण्याची सवय असेल तर तीदेखील तुमच्या व्हजायनासाठी हानिकारक ठरू शकते.

व्हजायना ड्रायनेसचा अनेक महिलांवर परिणाम होतो. मात्र जर तुम्हाला त्याचा जास्त त्रास होत असेल, तुमच्या जीवशैलीवर, सेक्स लाइफवर, रिलेशनशिपवर परिणाम होत असेल तर मात्र डॉक्टरांचा सल्ला जरूर घ्या.