पुरुषांपेक्षा महिलांना ‘या’ कॅन्सरचा सर्वाधिक धोका, लक्षणांबाबत माहिती असू द्या

ब्रेस्ट कॅन्सर - ब्रेस्टमध्ये गाठ, ब्रेस्टवर एखादा फोड, ब्रेस्टचा आकार-रंग बदलणे, असे काहीही बदल दिसल्यास त्याकडे दुर्लक्ष करू नका. ही ब्रेस्ट कॅन्सरची लक्षणं असू शकतात.

सर्व्हायकल कॅन्सर (cervical cancer) - हा कॅन्सर सर्वात जास्त ह्युमन पेपिलोमाव्हायरसमुळे होतो, ज्यामुळे गर्भाशयाला संसर्ग होतो. हा व्हायरस शारीरिक संबंधांमार्फत एका व्यक्तीकडून दुसऱ्या व्यक्तीकडे जातो.

फुफ्फुसाचा कॅन्सर (Lung cancer) - पुरुषांच्या तुलनेत महिलांमध्ये फुफ्फुसाचा कॅन्सर कमी वयात होतो. सुरुवातीच्या टप्प्यात होणाऱ्या फुफ्फुसाच्या कॅन्सरला प्रायमरी लंग कॅन्सर म्हणतात. त्यानंतर हा कॅन्सर शरीरातील कोणत्याही भागात पसरतो, तेव्हा त्याला सेकंडरी लंग कॅन्सर म्हटलं जाते. खोकला, छातीत वेदना, श्वास घेण्यात त्रास, खोकताना रक्त पडणे, ताप ही फुफ्फुसाच्या कॅन्सरची लक्षणं आहेत.

गॅस्ट्रिक कॅन्सर (Gastric cancer) - सुरुवातीलाच या कॅन्सरची लक्षणं दिसून येत नाहीत. अनेकदा पोटात वेदना, सुस्ती, अचानक वजन कमी होणं, भूक न लागणं ही लक्षणं गॅस्ट्रिक कॅन्सरची लक्षणं असू शकतात. त्यामुळे अशी लक्षण दिसल्यास तज्ज्ञांचा सल्ला जरूर घ्या.

तोंडाचा कॅन्सर (Oral cancer) - यामध्ये ओठ, तोंड, हिरड्या आणि घशाचा समावेश होतो. तंबाखू, मद्यपान यामुळे तोंडाच्या कॅन्सरचा धोका सर्वात जास्त वाढतो. तोंडातून रक्त येणे, दात हलणे, गिळताना त्रास होणे, मानेत गाठ, तोंडात जखमा होणे, अचानक वजन कमी होणे ही तोंडाच्या कॅन्सरची लक्षणं आहेत.